iklan

INTERNASIONÁL, DEFEZA

MNEC-IDN Hala’o Semináriu Kona-ba Asuntu Globál

MNEC-IDN Hala’o Semináriu Kona-ba Asuntu Globál

Foto google.

DILI, (TATOLI) – Ministériu Negosíu Estranjeiru no Koperasaun (MNEK) ho Institutu Defeza Nasionál (IDN), ohin hala’o semináriu hodi ko’alia kona-ba terorismu, transnasionál, komérsiu globál, manipulasaun sientífika no  seluktán.

Semináriu ho tema ‘A Nova Ordem Mundial, Avanço Sem Precedentes Da Ciencia, a Crise Democrasias Ocidentais e o Regresso dos Regimes Autoritarios’.

Ministru Aurélio Guterres hateten semináriu ne’e akontese tanba hetan koperasaun hosi MNEC no IDN hodi aumenta koñesementu diplomata, altu funsionáriu  iha instituisaun rua, seguransa no estudante universit’ariu kona-ba lalaok mundu.

ʺMundu agora iha mudansa boot, uluk poder sira konsentra europeia no osidentál, ohin loron hahú muda, gravidade ekonómika la’ós ona iha Europa no Amerika, maibé muda ona iha Ázia, sira ne’e hotu sai preokupasaun. Ho palestra ne’e para hasa’e koñesementu no esperénsiaʺ, dehan ministru iha Praia dos Coqueros.

Governante ne’e hatutan problema globál ne’ebé mundu hasoru hanesan terorismu, transnasionál, poder, komersiu globál oras ne’e akontese maka’as.

Entretantu, Tenente Jenerál,  José Eduardo Garcia Leandro, hosi Angola no Ministru Estadu Konselleiru ba asuntu Seguransa Nasionál, José Ramos Horta, maka sai oradór iha semináriu ne’e.

Jornalista: Agapito dos Santos

Editora: Rita Almeida

iklan
iklan

Leave a Reply

iklan
error: Content is protected !!