DILI, 11 setembru 2019 (TATOLI)-Ministériu Solidariedade Sosiál no Inkluzaun (MSSI) prevee ona millaun $61 ba proposta orsamentu Jerál Estadu (OJE) tinan fiskál 2020 hodi ezekuta ba planu prioridade MSSI nian bazeia ba Planu Estratéjiku Dezenvolvimentu Nasionál (PEDN) 2011-2030.
Notísia Relevante: MSSI Konsidera Karreta Funeráriu Importante
Ministra Solidariedade Sosiál no Inkluzaun, Armanda Berta dos Santos, hatete, programa prioridade hirak ne’e maka kontinua aloka ba subsídiu idózus no invalidés sira, Programa Bolsa ba Inan (Bolsa da Mãe) ba oan ki’ak sira, kontinua apoiu instituisaun privada sira ne’ebé servisu ba protesaun sosiál no seluk tan.
Mezmu nune’e, Ministra Armanda Berta dos Santos, la esplika detallu kona-ba montante kada item ne’ebé sei ezekuta iha tinan oin.
Notísia Relevante: MSSI Apoia $1,388.711.00 Ba Instituisaun Solidariedade Sosiál 35
Iha tinan 2020, MSSI sei kontinua fó apoiu ba instituisaun privadu 20 ne’ebé hatama ona sira ninia proposta iha tinan 2019 hodi fó asisténsia ba ema ki’ak sira.
“Tinan oin ita kontinua fó prioridade ba instituisaun solidariedade sosiál liuliu ba uma mahon sira presta servisu protesaun sosiál ba komunidade,” hateten Ministra Armanda Berta dos Santos, ohin, ba Ajénsia TATOLI, iha Palásiu Governu, Dili.
Notísia Relevante: MSSI Ezekuta Ona OJE 2019 Porsentu 78.8
Jornalista : Nelson de Sousa
Editór : Francisco Simões
