iklan

HEADLINE, NASIONÁL

Tempu Besik, Governu Tulun Populasaun Afetadu Dezastre Naturál

Tempu Besik, Governu Tulun Populasaun Afetadu Dezastre Naturál

Ministru Estadu Prezidénsia Konsellu Ministru, Hermenegildo Augusto Cabral Pereira. Imajen Tatoli/Egas Cristóvão.

DILI, 6 novembru 2019 (TATOLI) – Iha akontesimentu dezastre naturál ne’ebé mosu iha fulan hirak liubá, rezulta populasaun hamutuk rihun ida resin mak afetadu.

Tanba ne’e, Governu liuhosi soru-mutuk Konsellu Ministru, kuarta ne’e, deside sei fó apoiu ba komunidade hirak ne’e iha tempu besik.

“Konsellu Ministru diskute hodi reflete mós kona-ba dezastre naturál ne’ebé estraga uma barak inklui plantasaun. Ohin deside atu fó apoiu umanitáriu,” Ministru Estadu Prezidénsia Konsellu Ministru, Hermenegildo Augusto Cabral Pereira dehan iha Paláçio do Governo, kuarta ne’e.

Nia hateten, dadus kona-ba dezastre naturál nian sei uniformiza hotu hodi determina kuantia materiál ne’ebé atu apoiu umanitáriu ba populasaun hirak ne’ebé afetadu dezastre refere.

Jornalista: Hortençio Sanchez

Editór: Xisto Freitas

iklan
iklan

Leave a Reply

iklan
error: Content is protected !!