DILI, 14 novembru 2020 (TATOLI)—Komunidade traballador timoroan ne’ebé hela iha Warrnambool, Melbourne, Victoria, Australia, ohin, hala’o misa agradesementu hodi komemora loron Massakre Santa Cruz ba dala-XXIX ne’ebé konsidera mós nu’udar loron Nasional Juventude ho objetivu hodi fó onra ba juventude loriku asswa’in sira ne’ebé fó ba mate hodi liberta rai no povu Timor-Leste.
“Objetivu hosi misa agradesementu ida ne’e nu’udar aktu de agradesimentu hodi fó onra no ba sakrifísiu no dedikasaun tomak ne’ebé juventude loriku asswa’in sira fó iha tempu pasadu, ne’ebé fakar sira nia raan hodi liberta povu no nasaun hosi invazór sira. Imi-nia sakrifísiu no dedikasaun tomak mak ohin loron ami hotu bele goza indepedensia ida-ne’e. Ami sei tane aas no valoriza nafatin imi-nia sakrifisiu no dedikasaun tomak,” trablladór timoran ida iha Australia, Cornelio dos Sants Verdial, liuhosi ninia varanda facebook ne’ebé Agência Tatoli asesu, sábadu ne’e.
Nia informa, aleinde hala’o misa agradesementu, komunidade traballadór timoroan ne’ebé hela iha Warrnambool, Melbourne, Victoria, Australia, hala’o mós atividade desportiva mak sira realiza jogu Futsal (futebol salaun) hodi hametin relasaun amizade nu’udar timoroan hodi kria dame no domin ba malu iha ema-nia rain.
Atividade desportiva ne’e mós hala’o ho objetivu atu bele bele hadi’’a kondisaun saúde no mentál ba jerasaun foun sira hodi kontinua servisu maka’as atu hatama osan ba Timor-Leste hodi hadi’a ekonomia famíia, sosiedade no Timor-Leste nian.
Jornalista: Osória Marques
Editór: Cancio Ximenes
