DILI, 23 novembru 2022 (TATOLI)— Komisaun Anti-Korrupsaun (CAC-sigla portugés) durante ne’e rejista ona kazu korrupsaun hamutuk 92.
Liafuan ne’e dehan hosi Komisariu Komisaun Anti-Korrupsaun, Sergio Hornai ba jornalista sira iha edifisiu CAC, kuarta ne’e.
“Iha ami nia sistema bazea ba dadus iha semana sira liu ba durante ne’e ami rejista kazu korrupsaun hamutuk 92. Hosi kazu sira ne’e, barak liu maka abuzu poder, tuir kedan kazu partisipasaun ekonómika, falsifikasaun dokumentu no krimi adminitrasaun danoza. Korrupsaun ativa ilisitas hirak nee maka sai hanesan traballu lor-loron nian hosi serbisu investigasaun kriminalidade CAC atu bele kombate,” Komisariu Komisaun Anti-Korrupsaun, Sergio Hornai ba jornaista sira iha edifisiu CAC, kuarta ne’e.
Notisia relevante : MP delega kompeténsia ba CAC investiga kazu korrupsaun 38
Nia dehan, kazu ne’ebe tama hamutuk 100 resin ne’ebe CAC rejista no konsidera hanesan kazu korrupsaun kokreta komplexu iha 92.
“Husi kazu sira ne’e ita halo hela promosaun sira no halo analiza ba kazu sira ne’e, provavélmente ita halo aveiriguasaun ba partisipasaun ikus mai no ita haklean investigasaun kriminalidade nune’e bele hetan verdade hosi kazu sira ne’e. Ita sei halo submisaun depende ba kompetensia ne’ebé CAC iha,” informa Komisariu CAC Sergio Hornai.
Notisia relevante : MP Finaliza Kazu Korrupsaun Hamutuk 109
Jornalista: Natalino Costa
Editora : Armandina Moniz
