KOVALIMA, 13 Maiu 2026 (TATOLI)- Diretór Programa Nasionál Dezenvolvimentu Suku (PNDS) munisípiu Kovalima, Pedro de Araújo Gomes rekomenda pontu esensial mak hanesan,durasaun implementa projetu, kualidade no presiza sensibiliza informasaun kona-bá regra utilizasaun bee moos ba komunidade sira.
“Ita presiza halo klarifikasaun durasaun tempu implementasaun projetu tanba realidade hatudu katak implementasaun projetu kanalizasaun bee-moos iha Zumalai durante tinan lima ona, haree mós ba kualidade bee-moos tanba tempu udan komunidade la’os uza bee-moos maibé konsumu bee mota no presiza halo sosializasaun informasaun kona-bá regra BTL.E.P bainhira bee la sai labele uza saniu”, Diretór Programa Nasionál Dezenvolvimentu Suku (PNDS)munisípiu Kovalima, Pedro de Araújo Gomes hato’o iha salaun AMC.
Hatan ba kestaun ne’e, Koordenadór BTL.E.P, Cipriano Amaral Soares, klarifika katak preokupasaun husi Diretór PNDS kona-ba kualidade bee-moos, solializasaun no durasaun implementasaun projetu tuir loron ba empreza sira hanesan iha Zumalai.
“Ita iha dateline ba empreza sira halo instalasaun bee-moos nia durasaun tempu husi fulan 6 to’o fulan-sia tenke konklui, maibé realidade la konklui tanba material la’os sosa iha rai laran, maibé sosa husi rai liur, nune’e empreza finaliza projetu la tuir kontratu maibé BTL.E.P garante empreza sei finaliza projetu ho neneik iha fulan ikus 2026”, nia garante.
Empreza ne’ebé mak implementa projetu instalasaun empreza tenke finaliza bainhira empreza la finaliza BTL.E,P iha lei atu aplika multa ba empreza.
Jornalista:Celestina Teles
Editór: Florencio Miranda Ximenes
