KOVALIMA, 13 Maiu 2026 (TATOLI)- Bee Timor-Leste (BTL) hahú 2022 to’o 2026 konsege arrekada ona reseita hamutuk $120. 646 .50 ba kofre Estadu.
“ Hahú husi Setembru 2022 to’o Marsu 2026 ne’e Bee Timor-Leste (BTL.E,P) Kovalima arrekada reseita hamutuk $120. 646 .50 ba kofre Estadu”, Koordenadór BTL.E.P, Cipriano Amaral Soares aprezenta liuhusi enkontru konsellu konsultivu munisípiu iha salaun AMC ohin.
Reseita ne’ebé mak BTL.E,P Kovalima kontribui mai husi reparasaun multa,Ligasaun foun no sosa bee tanke. Reseita $120. 646 .50 iha 2022 ne’e kontribui $11,637.50, iha tinan-2023 hamutuk $ 24.270 .60, iha tinan 2024 hamutuk $34,528.25, iha 2025 hamutuk $31,657.95 no iha 2026 hahú Janeiru to’o Marsu hamutuk $18,552.20.
Tuir dadus rekapitulasaun kliente ne’ebé mak asesu bee-moos hamutuk 2,478 no la asesu 6,710. Ligasaun foun bee-moos ba komunidade iha munisípiu Kovalima iha postu administrativu Suai hamutuk ba uma 224.
Jornalista:Celestina Teles
Editór: Florencio Miranda Ximenes
