KOVALIMA, 22 Maiu 2026 (TATOLI)- Servisu Saúde Munisípiu Kovalima, iha trimestre dahuluk (Janeiru to’o Abril) identifika pasiente na’in-lima positivu ba moras HIV/SIDA.
“Hahú 2012 to’o 2026 ne’e dadus hatudu katak, ita Kovalima rejista ona pasiente nain-108 mak afetadu ba moras HIV/SIDA. Iha iha 2026 ne’e, trimestre dahuluk identifika tan sidadaun na’in-lima”,Diretór servisu Munipál Saúde Kovalima, Domingos Sequeira relata dadus ne’e ba TATOLI, iha nia servisu Fatin.
Pasiente pozitivu ba moras HIV ne’e ho idade produtivu hahú tinan 25 to’o tinan 44 hamutuk na’in-73. Ho nune’e atu halo prevensaun ba HIV/SIDA iha fatin públiku parte husi saúde tau kondom depende ba ema ida-idak uza ka la’e, bainhira halo relasaun seksual ho livre di’ak liu tenke koko ran.
“Atu halo prevensaun ita sempre partilla informasaun tanba hetan apoiu mós husi parseiru sira tanba komunidade sira ladun iha konsensia ba tuir teste raan no la ba sentru Saúde bainhira moras ona mak foin entaun ita halo tratamentu tarde,” nia sujere.
Jornalista: Celestina Teles
Editór: Florencio Miranda Ximenes
