ILI, 07 Janeiru 2026 (TATOLI)—Iha Reuniaun Konsellu-Ministru, Ministru Negósiu Estranjeiru no Kooperasaun, Bendito dos Santos Freitas, aprezenta ezbosu atividade sira-neʼebé prevee ona iha ámbitu Prezidénsia Timor-Leste nian ba Komunidade País Lian Portugés (CPLP, sigla portugés)
Husi ezbosu atividade sira-ne’e, iha desizaun Xefe Estadu no Xefe Governu sira CPLP nian ne’ebé suspende partisipasaun husi Repúblika Giné iha atividade hotu-hotu organizasaun nian, to’o hatuur fila-fali orden konstitusionál.
Tanba ne’e, ho desizaun koletiva husi membru CPLP dezigna Repúblika Demokrátika Timor-Leste hodi ezerse, ho temporáriu ka prezidénsia pro-temporáriu iha CPLP nian.
Entretantu, antes ne’e mós Governu delibera hodi nomeia Ministru Administrasaun Estatál, Tomás do Rosário Cabral, no Ministru Defeza, Donaciano do Rosário Gomes, hodi integra misaun mediasaun Komunidade País Lian Portugés (CPLP), ho intensaun atu akompaña situasaun ne’ebé mosu tanba golpe Estadu no prosesu interrupsaun eleitorál iha Giné- Bissau.
Jornalista : Alexandra da Costa
Editór : Cancio Ximenes
