DILI, 29 Dezembru 2025 (TATOLI)-Sentru Nasionál Lojístistika, Intitutu Públiku (CLN, I.P, sigla portugés) realiza avaliasaun dezempenu hodi garante produtividade servisu iha institusionál ho tema “Avalia projeta ba reforsa papel sentral CLN nu’udar garantia estabilidade sustentabilidade Lojistika Nasional”.
Prezidente Sentru Nasionál Lojístika, António de Araújo Soares, hateten avaliasaun dezempeñu sai hanesan sasukat ba produtividade ema-nian, tanba normalmente laiha implementasaun ne’ebé mak la’o ho di’ak hotu.
“Nune’e ba ha’u prefere liu iha matan barak mak haree hodi avalia dezempenu ne’e tomak para ita bele hatene atu ba oin hadi’a iha institusaun sira-ne’ebé ho estatutu administrasaun direta,” Prezidente CLN ne’e informa ba jornalista sira iha salaun Lalini Larigutu CNE, Kaikoli, ohin.
Tanba ne’e, nia dehan, ohin sira halibur hamutuk iha ne’e hodi rona liafuan balun husi Koordenadór Ministériu Koordrnadór Asuntu Ekonómiku ne’e halo koordenasaun ba instituisaun tutelada.
“Antes ne’e mós ita halo ona enkontru ho ministru atu buka hatene ba tinan oin bele halo mudansa ba polítika Governu nian,” ,nia haktuir.
Iha biban ne’e Koordrnadór Jerál Asuntu Ekonómiku, Jorge Rui de Carvalho Martins, konsidera avaliasaun dezempeñu servisu ne’e hala’o atu sai hanesan reflesaun hamutuk ba dezenvolvimentu nasionál.
“Ha’u hakarak relata iha ne’e kona-ba asuntu importante husi avaliasaun dezempenu institusionál, katak avaliasaun la’ós de’it ba CLN maibé ne’e ba instituisaun públika sira ida-idak nu’udar profisionál ne’ebé hetan fiar atu jere responsabilidade ba nasaun ida-ne’e,” Koordenadór Jerál ne’e afirma.
Nia hatutan, avaliasaun dezempeñu servisu la’ós de’it ezersísiu formál ida maibé ne’e obrigasaun administrasaun, entaun ida-ne’e maka instrumentu estratéjiku ne’ebé permite atu sukat oinsá kumpri mandatu, jere rekursu ho efisiente no fornese servisu lojístika ne’ebé viavel.
Enkuantu atividade avaliasaun dezempenu servisu ne’e marka prezensa husi dirijente no funsionáriu iha nasionál inklui munisipál sira.
Jornalista : Alexandra da Costa
Editór : Cancio Ximenes
