DILI, 14 Juñu 2026 (TATOLI)–Tinan barak Sklotándia hanesan roman ne’ebé adiadu, hadeer sala-sala maibé mout hikas iha kalan nia kadunan.
Bainhira Brazíl no Maroko fahe malu rezultadu ho ekilibradu iha faze grupu Kopa Mudiál ba époka ida-ne’e, lalehan Grupu C fó kedas leet roman foun ba Skotládia. Husi ne’e, Slotlándia bele hamriik ona hanesan loromatan dadeer ne’ebé la dúvida ona kontra raihun-mutin. Ohin, iha Grupu C, nia hadeer tebes duni hodi lidera Grupu C ho golu mihis 1-0.
Skotlándia auzente iha Kopa Mundiál dezde tinan-1998 iha Fransa. Maroko hasees nia iha faze grupu husi Grupu A. Grupu A halibur Brazíl, Maroko no Noruega.
Hanesan surpreza ida, hadeer ho hadeer Skotlándia lidera kedas tabela klasifikasaun provizória iha Grupu C ho pontu tolu (3) iha faze grupu Kopa Mundiál 2026 ne’ebé hala’o iha Estádiu Boston, Foxborough, Massachusetts, Domingu ne’e.
Skotlándia provizória lidera tabela klasifikasaun tanba iha jogu dahuluk manán Haiti, enkuantu Maroko ho Brazíl okupa iha pozisaun kraik tanba iha jogu dahuluk impata 1-1 no Haiti iha okos liu tanba la konsege manán Skotlándia.
Bainhira jogu ne’ebé dirije husi árbitru Mustapha Ghorbal husi nasaun Aljazira hahú, jogadór sira lansa kedan kontra-atake ba malu tuir tékniku no abiliade ekipa idaidak nian ho formatu jogu ne’ebé la diferente (4-4-2).
Oportunidade ne’e konverte ho xuta ida ne’ebé sai dook hosi alvu. Iha minutu 17, Scott McTominay nia xuta hosi li’ur área penalidade kona baliza Haiti no guarda-rede ne’e salva ho kalma.
Kontra-atake sai manas liu, bainhira Skotlándia hatudu forsa liuhusi dudu bola aas ka bola long halo Haiti susar atu antesipa. Maibé, Haiti nafatin aguenta jogu tanba defende nasaun.
Skotlándia joga ho ambisaun, nune’e médiu Aston Villa, John McGinn, hatudu jogu indivíduu ne’ebé furak, iha minutu 28 fura ona rede Haiti hodi muda rezultadu ba 1-0. Estádiu nakdoko, Skotlándia selebra hikas vitória basá tinan barak la tuir Kopa Mundiál.
Golu ne’e akontese bainhira iha kontra-atake husi haitianu oioin. Hanley lansa bola naruk ida bá-oin hosi kampu klaran. Adams simu ida-ne’e, kontrola iha área penalidade Haiti nian, molok pasa ba John McGinn prodús golu.
Maski sofre ona golu ida, Haitanu sira la lakon esperansa, kontinua luta maibé Skotlándia nia defeza metin hanesan morru berlin, nune’e to’o jogu termina rezultadu la muda, mantein 1-0.
Hafoin entervallu, tama ba segunda parte nasaun rua kontinua lansa atake ba malu. Haiti utiliza meiu hotu oinsá atu halo impata jogu ne’e ka bele manán, maibé sasurut Skotlándia la bá.
Skotlándia joga ho ambisaun hakarak aumenta golu. Avansadu Lawrence Shankland lansa xutu lubuk ida maibé la kona iha alvu no xutu balun mós sai sees husi baliza Haiti nian.
Jogu kontinua manas. Minutu nafatin hakat bá-oin. Jogadór sira mantein ho idaidak nia pozisaun. Joga xave malu. Minutu ikus besik to’o ona, kampu laran nakfilak hanesan xadres. Xave malu husi liña bá liña to’o minutu 90 laiha golu akontese tan. Adisionál minutu neen (6), fó oportunidade ba ekipa rua atu halo golu, maibé xave malu metin to’o jogu termina vitória hela ho Skotlándia 1-0.
Vitória ne’e lori Skotlándia ukun provizóriu tabela klasifikasaun Grupu C ho pontu tolu (3), enkuantu Brazíl no Maroko iha pozisaun kraik no Haiti iha ikus-liu.
Skotlándia – (4-4-2)
(1) Angus Gunn, (2) Aaron Hickey, (3) Andy Robertson, (4) Scott Mctominay, (5) Grant Hanley, (7) John mcginn, (13) Jack Hendry, (17) Ben Gannon-Doak, (19) Lewis Ferguson, (10) Che Adams, (20) Lawrence Shankland.
Haiti – (4-4-2)
(1) J. Placide, (2) C. Arcus, (4) R. Adé, (5) H. Delcroix, (8) M. Expérience, (10) J. bellegarde, (11) L. Deedson, (15) Ruben Provi, (17) D. Jean Jacq, (18) Wilson Isidor, (20) F. Pierrot.
Jornalista: Hortêncio Sanchez
Editór: Xisto Freitas da Piedade
