KOVALIMA, 07 Juñu 2026 (TATOLI) – Raes Hadomi Timor-oan (RHTO) Munisipiu Kovalima hamutuk ho Centru Nasionál Reabilitasaun (CNR), foin lalais ne’e, distribui kadeira roda ba ba ema ho defisiénsia na’in-neen iha Postu Suai no Maucatar , iha munisípiu Kovalima.
Pontu vokál ne’e dehan, “Ekipamentu ne’ebé mak foin lalais distribui ba EhD sira hamutuk sia ba EhD na’in-sia mak hanesan, kadeira roda foun neen,halo manutensaun ba kadeira roda ida no ain-tonka rua,”Pontu Vokál RHTO Munisípiu Kovalima,Rozito Amaral relata dadus-ne’e ba TATOLI, iha Tabakolot.
Provizóriu sei fó EhD iha postu administrativu rua,kona-bá postu administrativu sira seluk Raes Hadomi Timor-oan sei servisu hamutuk ho lideransa komunitária sira atu halo identifikasaun ba EhD, nune’e sira bele hetan apoiu ekipamentu tanba sira mós presiza hela.
Tuir dadus husi RHTO munisipiu Kovalima rejista ema ho defisiensia EhD iha munisípiu Kovalima hamutuk 1.244 ne’ebé mai husi postu administrativu hitu mak hanesan, postu administrativu Fatululik na’in-59, Fatumea 122, Fohorem 104, Tilomar 169, Maucatar 246, Suai 199 no Zumalai 345.
Jornalista:Celestina Teles
Editór:Florencio Miranda Ximene
