COVALIMA, 05 Outubru 2023 (TATOLI)–Centro Solidariedade Social no Inkluzaun (CSSI) Covalima finaliza ona elabora dadus reajustamentu benefisiáriu Bolsa da Mãe Jerasaun foun, iha sistema sigas mai hosi postu administrativu hitu hamutuk família 3.311.
Notísia Relevante: CSSI Covalima halo reajustamentu dadus benefisiáriu bolsa da mãe kondisionál
“Dadus reajustamentu eziste iha sistema sigas família hamutuk 4.579 mai hosi postu administrativu hitu totál benefisiáriu ne’ebé ita reajusta ona benefisiáriu hamutuk 3,311,” Diretór CSSI Covalima, Agapito Asis Cardoso, hateten liuhosi komunikadu ne’ebé Agência Tatoli asesu, kinta ne’e.
Benefisiáriu hamutuk 3,311 ne’ebé reajusta ona maibé benefisiáriu ne’ebé kompleta ona Billete Identidade (BI) benefisiáriu hamutuk 1067 no totál benefisiáriu ne’ebé seidauk kompleta Billete Identidade (BI) hamutuk 2.244.
Tanba ne’e, diretór ne’e mós husu ba benefisiáriu ne’ebé seidauk kompleta atu kompleta dokumentu, se lae bainhira hala’o pagamentu sei fó impaktu ba benefisiáriu hodi labele simu osan.
Aleinde ne’e, nia hateten, CSSI Covalima mós rejista benefisiáriu la tuir reajustamentu ne’e hamutuk família 1.268.
Objetivu hosi reajustamentu ne’e, atu reavalia no verifika informaasaun kona-ba situasaun atuál hodi konfirma katak benefisiáriu refere sei elizivél ka lae nu’udar benefisiáriu ba subsídiu bolsa da mãe kondisionál, no atu hetan dadus ne’ebé fiksu eh akuradu hodi responde ba ezijénsia benefisiáriu sira-nian.
Ministériu Solidariedade Sosiál no Inkluzasaun (MSSI) liuho CSSI Covalima, bazeia ba baze legál dekretu-lei númeru 18/2012, 04 abríl, kona-ba subsídiu apoiu kondisionál bolsa da mãe, ho nia regulamentu liuhosi diploma ministeriál númeru 27/2012, 19 setembru.
Jornalista : Celestina Teles
Editór : Cancio Ximenes
