DILI, 11 juñu 2024 (TATOLI) – Diretór Servisu Munisipál Jestaun Merkadu no Turizmu, Munisípiu Dili, Arthur Henriques, informa reabilitasaun ba merakadu Manleuana, daudaun ne’e, atinjé ona 30%.
“Empreza Reyna Zunhior Unipesoal Lda mak halo reabilitasaun ba merkadu Manleuana no atinje ona 30% ba iha instalasaun bee no mós haris fatin”, Arthur Henriques ba TATOLI iha nia kna’ar fatin AMD Matadoru, ohin.
Nia dehan, empreza sira halo reabitasaun ne’e hahú iha semana rua liu ba no ekipa AMD nafatin halo survey ka observa direta ba servisu sira iha ne’eba.
Lucelino Pereira hanesan na’in ba Empreza Reyna Zunhior Unipesoal Lda, subliña reabilitasuan merkadu Manleuana atinje ona 30% tanba duransaun ba reabilitasaun fulan tolu de’it.
“Reabilitasaun merkadu Manleuana ami atinje ona 30% ba instalasaun bee, haris fatin tanba tarjetu ne’ebé mak ami-nian tenke fulan tolu hotu ona’’, Lucelino Pereira afirma.
Nia relata, reabilitasaun ida-ne’e mak konlkui, empreza entrega ba Governu atu bele utiliza ba públiku nia nesesidade sira.
“Governu fó ami fulan ne’en, maibé ba ami-nia atrjetu tenke fulan tolu, depois hotu, ami entrega nune’e komunidade sira bele utiliza ona tanba ami reabilita instalasaun ba bee no haris fatin ba ema defisiénsia no haris fatin públiku, inklui liña eletrisidade liuliu lampu sira ne’ebé mak aat, ami bele troka ida-ne’e mak ami halo hela”, nia konklui.
Jornalista : Felicidade Ximenes
Editór : Zezito Silva
