KOVALIMA, 22 Setembru 2025 (TATOLI)- Servisu Munisipál Agrikultura Kovalima liuhusi Departamentu Programa Estensaun Agríkola rekolla ona dadus produsaun batar husi agrikultór sira ho nia rezultadu produsaun atinje tonelada 7,827,53.
Xefe Departamentu Programa Estensaun Agríkola, Filomeno Saldanha, relata katak kulitivasaun batar iha 2025 ne’e iha époka dahuluk ho nia produsaun atinje 7,827,53 ne’ebe nia rezultadu mai husi postu administrativu hitu.
“Rezultadu produsaun maihusi postu administrativu hitu hamutuk tonelada 4119,75, husi númeru ne’e mai husi kulitivasaun batar liuhusi prátika agrikultura di’ak (PAD) atinje tonelada 143, kultivasaun batar ho konvensionál tonelada 3.265,25 no kultivasaun batar ho sistema tradisionál tonelada 711,5 “, Filomeno Saldanha, informa dadus ne’e ba Tatoli iha edifisiu SMA Tabakolot, ohin.
Bazeia ba dadus batar tonelada 4.119,75 mai husi postu administrativu Fatululik hanesan liuhusi prátika agrikultura di’ak (PAD) no konvensionál laiha maibé kuda ho tradisionál atinje tonelada 119,75, Fatumea prátika agrikultura di’ak (PAD) konvensionál no tradisionál atinje tonelada 305.Fohorem kuda ho Prárika Agrikultura di’ak (PAD) laiha ho konvensionál no tradisionál tonelada 326,25 .Maucatar Prátika Agikultura di’ak no konvensionál tonelada 806,5.
Postu Administrativu Suai liuhusi prátika agrikultura di’ak no konvensionál tonelada 1.389,75 laiha ho tradisionál. Tilomar prátika agrikultura di’ak no konvensionál tonelada 442,25 no Zumalai Prátika Agrikultura di’ak no konvensionál tonelada 730,25.
Husi dadus ne’ebé maka mai husi postu administrativu agrikultura sira halo kultivasaun ba ho tipu prátika agrikultura di’ak, konvensionál no ho tradisionál ne’ebé bazeia ba kalkulasaun nia rezultadu mai husi postu hitu hamutuk 13,35 sei fahe ba postu administrativu hitu nia rezultadu 190 kali fali 4119,75 ho rezultadu produsaun atinje hamutuk tonelada 7,827,53.
Jornalista: Celestina Teles
Editór:Florencio Miranda Ximenes
