DILI, 30 Outubru 2025 (TATOLI)—Diretór Servisu Apoiu Diagnóstiku no Terapeutiku iha (HNGV) Vidal de Jesus Lopes, hateten daudaun ne’e Hospitál Nasionál Guido Valadares (HNGV), transfere ona Majór Jeneral João Miranda “Aluc ” ba Malázia.
“Los duni Majór Jeneral João Miranda “Aluk” halo duni tratamentu iha Hospitál Nasionál Guido Valadares iha 24 no loron 25 fulan outubru tinan ne’e ho problema respirasaun, maibé horiseik transfere ona ba ospitál iha Malázia no kontinua halo tratamentu iha ne’ebá,” Vidal de Jesus Lopes hateten ba jornalista sira iha nia kna’ar fatin, ohin.
Nia haktuir, Majór Jenerál Aluk sofre moras iis boot de’it laiha tan moras seluk, maibé nia kondisaun jerál di’ak hela.
“Antes ne’e problema iis-boot kle’ur ona maibé halo fila-fali atividade servisu entaun moras fali nune’e, ekipa médiku iha ne’e halo hela tratamentu no observa ikus deside ba rai-li’ur,” nia dehan.
Jornalista : Felicidade Ximenes
Editór : Cancio Ximenes
