DILI, 30 Outubru 2025 (TATOLI)-Primeiru Ministru (PM), Xanana Gusmão, apela ba joven sira atu nafatin kria pás iha ámbitu selebrasaun loron matebian sira-nian.
“Bom finadu, fila bá tau ai-funan iha sira ne’ebé husik ona ita, hodi husu sira akompaña nafatin ita. Hakarak ita dezenvolve lalais [país]”, Xanana hato’o hafoin ramata enkontru semanál ho Prezidente Repúblika, José Ramos-Horta, iha Palásiu Prezidensiál, Aitarak-Laran, ohin.
Lembra katak Governu fó ona toleránsia pontu iha loron 31 Outubru, atu funsionáriu sira bá tuir selebrasaun loron matebian sira-nian ne’ebé kada tinan marka iha 02 Novembru.
Prezente despaixu ne’e prefere ba funsionáriu, ajente no traballadór sira hotu ne’ebé presta atividade sira iha serbisu administrasaun direta Estadu nian, sentru ka dezkonsentradu, ka iha organizasaun administrasaun indireta nian.
Notísia relevante: https://tatoli.tl/2025/10/27/governu-fo-toleransia-pontu-iha-31-outubru-ba-selebrasaun-loron-matebian-sira-nian/
Jornalista: Nelson de Sousa
Editora: Maria Auxiliadora
