DILI, 04 Dezembru 2025 (TATOLI)—Diretór Ezekutivu Servisu Nasionál Ambulansia Emerjénsia no Médikamentu, Institutu Públiku (SANAEM, I.P), Simplicio Amaral, informa durante Janeirru to’o Novembru ne’e SNAEM, I.P halo evakuasaun ba pasiente hamutuk 12.630 no husi númeru ne’e maiória evakua husi terrestre.
“Ita evakua ne’e barak liuhusi terrestre, kihusi aero pasiente hamutuk 400 pasiente no maiória inan isin-rua sira,” Diretór Ezekutivu Servisu Nasionál Ambulansia Emerjénsia no Médikamentu, Simplicio Amaral, informa ba jornalista sira iha nia kna’ar fatin, Kaikoli,
Tuir dadus ne’ebé mak Servisu Nasionál Ambulansia Emerjénsia no Médikamentu iha katak hahú husi Janeiru to’o Novembru tinan 2025, SNAEM halo evakuasaun ba pasiente sira-ne’e maioria inan isin-rua.
Ida-ne’e, tuir nia, kuaze akontese kada tinan tanba iha tinan 2024 ho 2023 mós inan isin-rua mak barak liu ho problema maternidade ne’e no barak-liu mak komplikasaun, tanba ekipamentu iha ospitál referál la kompletu entaun sira tenke tranfere mak iha Hospoitál Nasionál Guido Valadares.
“Bele mós iha munisípiu rekomenda, tanba de’it atu halo teste diagnóstika ba moras ne’e hanesan kankru no mós seluk tan,” nia hateten.
Nia afirma, espesilista sira haruka mai nasionál atu halo ezaminasaun iha Hospoitál Nasionál Guido Valadares tanba ekipamentu médiku ne’ebé mak avansadu.
“Inan isin-rua sira mai ne’e lá’ós grave hotu maibé balun atu halo teste médiku, tanba evakuasaun iha tipu rua. Ezemplu, iha Dili bainhira ita-nia ekipa ambulánsia foti iha komunidade halo diagnóstiku no mós triajen. Pasiente ne’ebé mak sira haree garve merese duni atu evakua ba HNGV, la liu ona ba sentru saúde no la liu ona postu saúde, sira direta ba Hospitál Nasionál Guido Valadares,” nia dehan.
Iha munisípiu, nia hateten, ida-ne’e tuir fali ona polítika Minsiteriu Saúde nian katak evakuasaun husi postu saúde mai fali iha sentru saúde, depois mak mai iha sentru Internamentu ka mai fali ospitál referál no ospitál rejionál, husi ne’eba mak sira deside mai fali iha HNGV,” nia hateten.
Jornalista : Felicidade Ximenes
Editór : Cancio Ximenes
