DILI, 03 Dezembru 2025 (TATOLI)—Ekipa Timor-Leste derrota dahuluk kontra Uma-na’in Thailándia 1-6 iha iha jogu Sea Games tinan-2025 ne’ebé realiza iha Estádiu Rajamangala, Tersa (02/12/2025).
Ekipa elefante (Thailándia) loke jornada Sea Games ba da-33 ho vitória ne’ebé konsideradu skor boot bainhira hasoru Lafaek U-22, iha-ne’ebé jogadór Yotsakorn Burapha prodús golu tolu (hattrick).
Thailándia lidera skor 1-0 liuhusi golu Yotsakorn Burapha iha minutu ikus parte dahuluk liuhusi bola ulun, enkuantu golu lima seluk prodús iha parte daruak liuhusi jogadór hanesan Siraphop Wandee iha minutu 46, Iklas Sanron minutu 61, Burapha iha minutu 71, 72 no golu ikus Kakana Kamyok iha minutu 84.
Enkuantu, Timor-Leste konsege hafera skor hodi rezulta golu ida-ne’ebé enxe husi jogadór Palomito Ribeiro liuhusi ulun hafoin aproveita bola falta kantu iha minutu extra 90+2.
Ho rezultadu jogu entre ekipa futeból rua, Thailándia provizória lidera tabela klasifikasaun Grupu A ho pontu tolu (3) no Timor-Leste seidauk rekolla pontu no tuir kalendáriu sei kontra Singapura iha tempu badak.
Line up:
Timor Leste U-22: Rodrigues, Matthew Pereira, Ricardo Rorinho, Tristan Xavi, Ribeiro Luis, Oligar Fernando, Alexandro Bahkito, Morientes Gostavo, Santos Freteliano, Requis Dias, Anizo.
Thailand U-22: Phosaman, Tamma, Buaphan, Boonlha, Burapha, Chotmuangpak, Wandee, Phutonyong, Sienkrathok, Natthasit, Maneekorn.
Jornalista: Natalino Belo
Editór: Xisto Freitas da Piedade
