DILI, 10 Marsu 2026 (TATOLI)–Komandu Polísia Nasionál Timor-Leste (PNTL) nomea atuál Xefe Departamentu Koordensaun Jestaun Risku Formasaun no Edukasaun Sívika, Superintendente Asistente Polísia Domingos Gama ba Segundu Komandante PNTL Munisípiu Likisá.
“Nomeasaun ne’e bazeia ba despaisu Komandante Jerál Polísia Nasionál Timor-Leste Komisáriu Jerál Polísia Henrique da Costa ho númeru 70/CG-PNTL/III/2026,” sita husi nota ofisiál ne’ebé Ajénsia TATOLI asesu, Tersa ne’e.
Iha biban ne’e, ho despaisu referida Komandante Jerál PNTL, Komisáriu Jerál Polísia Henrique da Costa nomea Xefe Departamentu Seguransa Komandu Jerál Superintendente, Polísia Calisto Gonzaga ba fali asume kargu Komandante Munisípiu Lautein.
Enkuantu, Komandante Jerál PNTL, Komisáriu Jerál Polísia Henrique da Costa nomea atuál Komandante PNTL Munisípiu Lautein, João da Costa hodi asume kargu iha Departamentu Seguransa Komandu Jerál.
TATOLI
