KOVALIMA, 18 Marsu 2026 (TATOLI)- Sekretáriu Tékniku Administrasaun Eleitorál (STAE) rejista abitante na’in-33,542 mak seidauk atualiza sira nia kartaun Eleitorál husi semi biométriku.
“Eleitór tuan no foun ne’ebé mak ami rejista iha STAE hamutuk 53,759 husi númeru mane 27,387 no feto 26,372″, Diretór STAE João Tilman relata dadus ne’e ba Jornalista iha Kampung Baru,
STAE rejista eleitór iha munisípiu Kovalima hamutuk 53,759 husi númeru ne’e eleitór ne’ebé mak atualiza ona eleitorál husi semi biométriku ba biométriku hamutuk 18,083. trotál eleitór rejistu foun hamutuk 2,072. eleitór ne’ebé mak seidauk troka kartaun eleitorál ba biométriku hamutuk 33,542.
Abitante ne’ebé mak atu hasai eleitorál foun presiza lori dokumentu Sertidaun RDTL orijinál no foto kopia ho lori deklarasaun husi xefe suku ba ne’ebé mak atu atualiza kartaun eleitorál presiza lori dokumentu mak hanesan sertidaun RDTL no BI orijinal.
Iha sorin seluk, Abitante João Amaral, dehan sidadaun timor-oan presiza iha duni dokumentu sira hanesan kartaun eleitorál ne’e hanesan identidade timor oan uza lori ba vota.
“Ita presiza duni atu trata ita nia dokumentu sira hanesan kartaun eleitorál husi semi biométriku ba biométriku tanba kartaun eleitorál hanesan ita nia identidade nune’e uza atu tuir ba votasaun atu ezerse ita-nia direitu iha tempu eleisaun” .nia dehan.
Jornalista:Celestina Teles
Editór: Florencio Miranda Ximenes
