DILI, 15 Juñu 2026 (TATOLI)-Prezidente Repúblika (PR), José Ramos-Horta, informa Parlamentu Nasionál katak hala’o viajen privada bá Malázia entre loron 13 no 17 Juñu.
Ho konformidade iha dispostu iha númeru artigu 80 Konstituisaun ho meiu ne’e PR informa sei auzente iha territóriu nasionál. Vizita Xefe Estadu nian ne’e ba kompromisu ba dame no dipoomásia.
Iha vizita ne’e, Ramos-Horta sei partisipa iha serimónia lansamentu livru foun ida kona-ba Timor-Leste ho títulu “The Rising Sun: Timor-Leste’s Journey to Peace and Development”, ne’ebé hakerek husi Murni Nor.
Aleinde ne’e, Prezidente mós sei hato’o diskursu ida ho tema “Navigating Turbulent Times, Pursuing Peace”. Diskursu ne’e hato’o hodi hatán ba konvite husi Dato’ Zainol Rahim Zainuddin, Diretór-Jerál Institutu Diplomásia no Relasaun Rai-li’ur (IDFR), Ministériu Negósiu Estranjeiru Malázia nian, inklui ajenda sira seluk tan.
Notísia relevante: PR Ramos-Horta ho delegasaun to’o ona iha Malázia
Jornalista: Nelson de Sousa
Editora: Maria Auxiliadora
