DILI, 07 janeiru 2024 (TATOLI) – Primeiru-Ministru, Xanana Gusmão, liuhosi despaixu númeru 01/GMP/I/2024, nomeia Manuela Georgina Carmo Bucar Corte-Real, hodi asume kargu Prezidente Autoridade foun Munisipál Ainaro.
Xefe Governu liuhosi nia despaixu númeru 02/GMP/I/2024 nomeia Luís Inácio Henque Fernandes hodi asume kargu nu’udar Prezidente Autoridade Munisipál Manatutu.
Primeiru-Ministru Xanana Gusmão mós liuhosi nia despaixu númeru 03/GMP/I/2024 nomeia Luís Marçal da Costa Tavares ba posizaun Prezidente Autoridade Munisipál Manufahi.
“Prezidente Autoridade Munisipál foun nain tolu ne’e sei halo funsaun, hahú hosi despaixu Primeiru-Ministru nian ne’ebé públika ona iha Jornál Repúblika”, hateten liuhosi hosi komunikadu ne’ebé TATOLI asesu domingu, ohin.
Proposta nomeasaun ne’e mai hosi Ministru Administrasaun Estatál (MAE) Tomas Cabral, númeru 2/M-MAE/I/2024 , 3 janeiru 2024.
Jornalista: Natalino Costa
Editór : Zezito Silva
