DILI, 22 jullu 2021 (TATOLI)—Poeta timor-oan, Dadolin Murak, nia poezia ‘Terbanglah Cenderawasih’ iha fulan-jullu ne’e habahat sai títulu ba livru antolojia poezia solidariedade no umanidade ba Papua Osidentál, ne’ebé foin akontese iha forma leitura (peozia) ne’ebé koletivu hodi akumula poeta sira iha Indonézia, Malázia inklui Timor-Leste.
Poeta Papua no Koordenadór ba Produsaun Livru, Aleks Gadabi Giyai, hateten, inisiativa atu halo livru antolojia poezia ne’ebé envolve poeta sira iha Indonézia ne’e, maihosi poeta timor-oan Dadolin Murak hanesan asaun solidariedade no umanidade ba rai Papua.
Tuir nia, poezia ne’e ninia liafuan sira no ninia espíritu sadik papua-oan sira atu semo livre hanesan manu cenderawasih hodi hakfuik no hananu buka lia-loos no liberdade atu moris livre.
“Ha’u hili poezia ne’e hosi poeta timor-oan sai títulu ba livru antolojia, ne’e signifikante no relevante tebes ba povu Papua agora daudaun. Povu Papua moris iha koloniál, kapitalizmu, imperializmu no militarizmu Indonézia nia ukun ne’ebé halo povu terus no halerik beibeik. Povu Papua tenke semo hanesan cenderawasih atu buka lia-loos no liberdade ba ninia rain. Povu Papua hananu nafatin no luta hanesan cenderawasih ne’ebé hakfuik iha dadeersan, loron-manas, kalan nakukun ho espípritu ne’ebé forte no fuan (domin) ne’ebé beluk (lembut) ba ninia rain rasik,” Aleks Gadabi Giyai hateten ba Agência TATOLI, via WhatsApp, kinta ne’e.
Razaun hili poezia ‘Terbanglah Cenderawasih’ tanba poezia ne’e polítikamente iha kbiit atu luta hodi liberta povu no rai Papua, no luta ba autodeterminasaun (independénsia).
“Poezia ne’e ninia kbiit iha mensajen ne’ebé fó espíritu no enerjia ba povu Papua atu hamriik kontra injustisa,” nia akresenta.
Mensajen iha poezia ne’e forte tebes, tanba ne’e fó fiar ba poeta timor-oan Dadolin Murak sai revizór ba poeta sira hosi Indonézia ninia poezia sira-ne’ebé kuaze hamutuk 54 ne’e.
“Hanesan inisidór ba produsaun antolojia poezia solidariedade ba Papua Osidentál no hanesan poeta famozu iha Timor-Leste, entaun ha’u fó fiar ba nia hanesan editór ba livru ne’e,” nia hatutan.
Iha antolojia poezia ‘Terbanglah Cenderawasih’, aleinde poeta timor-oan Dadolin Murak inklui mós poeta timor-oan na’in-tolu seluk (Avan Pedro, Vitalia Zee no Sávio Ma’averu) nia obra, maibé barak liu ne’e poeta sira hosi Indonézia ne’ebé maihosi Papua, Maluku, Maluku Utara, Nusa Tenggara Timur (NTT), Bali, Kalimantan, Jawa Barat-Timur, Surabaya, Jakarta, Jogjakarta, Aceh, Sulawesi no poeta hosu Malázia.
“Ha’u prodúz livru poezia Terbanglah Cenderawasih ne’e hamutuk 500 eksemplar, ne’ebé ha’u fahe 250 hodi fa’an iha Indonézia ho razaun ema Indonézia bele lee obra kona-ba Papua liuhosi poezia no livru 250 seluk ne’e sei fa’an iha Papua ho razaun atu povu Papua ne’ebé moris iha presaun nia laran ne’e tenke hatene no kompreende katak solidariedade umanidade ne’e importante no folin tebes. Livru balun ha’u sei haruka no faan iha Timor-Leste,” nia haktuir.
Livru poezia ‘Terbanglah Cenderawasih’ ho pájina 135 ne’e prodúz iha impresaun Gráfika CV. Utama Offside Jogja, Indonézia.
Koordenadór Produsaun Livru, Aleks Gadabi Giyai, moris iha Onago, 24 April 1991, iha suku Mee-Papua. Nia hala’o estudu Ensinu Báziku iha SD YPPK Diyai Kabupaten Deiyai, Eskola Sekundáriu SMP Negeri 01 Mulia Kabupaten Puncak Jaya, Ensinu Sekundária iha SMA YPK IPA’IYE Kabupaten Nabire, no akaba nia estudu iha Ensinu Superiór Sekolah Tinggi Ilmu Komunikasi Muhammadiyah Jayapura (2016). Daudaun servisu nu’udar Pengelola Komunitas Sastra Papua no Pengelola Gerakan Papua Mengajar.
Iha sorin seluk, Poeta famozu timor-oan, Dadolin Murak, hateten, livru antolojia poezia ne’e inisia bainhira papua-oan sira publika ninia poezia ‘Terbanglah Cenderawasih’ iha jornál ‘Suara Papua’ iha Papua Osidental no iha jornál ‘Arah Juang’ iha Yogyakarta. Liu tiha biban balun, nia mos publika fali tan ninia poezia ‘Peringatan Cenderawasih Kepada Garuda’ no ‘Natal Kelam di Tanah Papua’ no ema Papua no Indonézia barak mak sani poezia sira-ne’e.
“Entaun, iha balun sujere atu ha’u publika antolojia ida ho poezia sira kona-ba Papua. Ha’u hatán ba kolega sira-ne’ebé fo sujestaun mai ha’u katak do que publika antolojia ida ho ha’u-nia poezia de’it, nusa mak la publika antolojia ida ne’ebé bele halibur poezia sira hosi poeta Indonézia no Papua, ka poezia hosi ativista sira no estudante sira,” Dadolin Murak dehan ba Agência TATOLI via rede sosiál, kinta ne’e.
Hosi ne’e, poeta Papua Aleks Giayi, Muhammad Yasir (hosi Kalimantan agora hela iha Surabaya), ativista Rudhy Pravda (hosi Ternate) no Oskar Gie (estudante Papua iha Jawa), hahú halibur poezia sira atu tau hamutuk hod prodúz ba livru ida.
“Iha Timor-Leste, ha’u mos halibur poezia ida ka rua hosi maluk Poeta Indonezia balun inklui mos poezia hosi maluk Timor-oan hanesan Savio Ma’vero, Avan Pedro no Vitalia Ze, Aleks Giayi mak kontatu makdolin Vitalia Ze. To’o ikus, Aleks Giayi tau mos ha’u-nia naran hanesan editór hamutuk ho nia no foti ha’u-nia poezia Terbanglah Cendrawasih hanesan títulu ba antolojia ne’e,” nia subliña.
Poezia ne’e ninia espíritu forte tebes tanba hato’o lia-menon katak Papua rai ida be riku tebes, furak tebes, maibé ukun-na’in sira Indonézia nia hamutuk ho kapitalista rai-laran no kapitalista rai-li’ur ‘naok ka hasai’ ho riku soi sira-ne’e, ema rai-na’in Papua la hetan benefisiu maibé hetan hetan deit mak ‘lixu’ ka ‘limbah’ hosi fabrika ka kompañia boot sira hanesan Freeport no seluk tán.
“Poezia ne’e mos hakatrk fó lia menon katak ema papua tenke ‘kontra’ injustisa no violasaun direitu umanu ne’ebé sira hasoru durante ne’e ba biban naruk ida-ne’e. Papua tenke forte hanesan foho Jayawijaya. Papua tenke matenek atu kontra opresaun hanesan nuvem/salju be nabilan iha foho tutun. Antolojia ne’e interresante tebes tanba ko’alia kona-ba problema oioin hanesan injustisa, direitu umanus, horik-leun/meiu ambiente, kultura no seluk tán,” Dadolin Murak hateten.
Poeta sira ne’ebé kontribui sira-nia poezia ba livru antolojia poezia solidariedade ba Papua Osidentál ne’e mak sira-nia naran ho sira-nia títulu poezia sira hanesan Dadolin Murak hosi Timor Leste (Terbanglah Cenderawasih, Peringatan Cenderawasih Kepada Garuda no Natal Kelam di Tanah Papua), Avan Pedro hosi Dili, Timor-Leste (Nyanyian Duka Cenderawasih), Vitalia Zee hosi Dili, Timor-Leste (Negeri Cenderawasih), Savio Maavero hosi Dili, Timor-Leste (Simbol Perlawanan Terhadap Kediktatoran), Surya Anta hosi Bekasi (Cinta dan Revolusi), Wayan Jengki Sunarta hosi Bali (Imajinasi, Kau dan Danau Sentani).
Daniel Indrakusuma hosi Solo (Bila Aku Papua), Saut Situmorang hosi Jogjakarta (Negeri Terluka), Iyut Fitra hosi Medan (Amungme), Pradono hosi Kalimantan Barat (Papua di Hati Borneo), Muhammad Yasir hosi Kalimantan (Blues Bintang Kejora no Kukenang Kau Nduga), Rudhy Pravda hosi NTT (Sebatang Cerutu, Kopi Hitam no Masih Punya Harapan, Sajak Nyanyian Darah dan Nyawa no Sebuah Catatan Untuk Kawan Di Medan Perlawanan), Aak Revolusa hosi Surabaya (Kau Manusia Apa Robot),
Fitri Lestari hosi Jogjakarta (Kami Akan Terus Teriak Papua Merdeka), Mika Cheoron hosi Hongkong (Tanah Cenderawasih), Ibe S Palogai hosi Sulawesi Utara (Hikayat Tanah, Menonton Youtube Tentang Papua Dari Luar no Sakode).
Zelly Ariane hosi Ternate (Bagai no Mahasiswa Belajar Merdeka), Beni Gutarman hosi Malang (Rimba di Ufuk Timur no Papua, Sebuah Catatan di Penghujung Tahun), Mahesa Ibrahim hosi Bogor (Cenderawasih), Helga Inneke Agustine hosi Jakarta (Papua), Steven Turhang hosi Palembang (Untuk Saudara Di Papua), Sosiawan Leak hosi Solo (Kemana Perginya Sejarah Papua), Timoti Marthen hosi Flores (Gita Cinta Untuk Natalia), Tino hosi Jogjakarta (Kamu Tipu Saja no Barang Itu Harga Mati), Titin Perdasi hosi Jakarta (Belati Puan di Bumi Cenderawasih no Papua, Jangan Lupa Legenda), Tuttu Atie hosi Kupang (Sajak untuk Papua).
M Umar Fariq Sumandar hosi Gorontalo (Seuntai Syair Bintang Kejora, Suatu Pagi; 26 September 2015 no Sajak Golput Negeri Kabut), BB Soegiono hosi Bali (Kami Ingin Bebas no Luka Tanah Papua), Eko Saputra hosi Ambon (Asmat Dalam Asma no Kantin Yang Bukan Indonesia), Mhetallo Adonara hosi Flores (Memorandum Timur no Republik Indomie), Oscar H hosi Papua (Jelita Manis Papuaniku no Nyanyian Alam Rimba), Bastian Tebai hosi Papua (Mencari Kelahiran no Rebut Bebasmu), Victor Yeimo hosi Papua (Nyanyian Jiwa, Senja Bersejarah no Untukmu Prajurit Dijalur Revolusi), Buctar Tabuni hosi Papua (Pergilah Penjara Tuaku), Ones Sahuniap hosi Papua (Puisi Untuk Aktivis Jalanan), Honny Pigai hosi Papua (Jangan Kau Menyiksaku).
Pilipus Robaha hosi Papua (Melawan Sistem no Alat Kekerasan), Ibrahim Peyon hosi Papua (Engkau Pahlawan Revolusi), Ricky Yeuyanan hosi Maluku (Untuk Kalian Yang Selalu no Papua; Apakah Masih Di Timur Indonesia), Alya Syafitri hosi Jogjakarta (Cenderawasih Berduka no Nyanyian Bocah Keriting), Aleks Giyai hosi Papua (Papua Bagai Rumah Dansa, Monolog Bumi Terjarah no Demokrasi Bertopeng Bedil), Deni hosi Malasya (Misalkan kita di Nduga), Herman Wanggai hosi Amerika Serikat (Sejarah)
Muhammad Yasir hosi Kalimantan (Ada Sungai Membentang Menuju Kenyam) no Ben Abel hosi Amerika Serikat (Sumpah Doa Saya).
Jornalista : Cancio Ximenes
Editór : Julia Chatarina
