TL-Indonézia hahú koordena hadi’a markasaun iha fronteira terrestre

DILI, 18 outubru 2021 (TATOLI)– Governu Timor-Leste no Indonézia hahú koodena malu atu hadi’a pilár markasaun iha fronteira Terrestre, Motain ne’ebé mota sobu ona.

“Ita iha ona ekipa rua, ida hosi Timor -Leste no ida hosi Indonézia, ne’ebé sei hasoru malu iha Kupang-Indonézia hodi hamutuk hadi’a markasaun ne’ebé mak besik atu lakon tanba kauza hosi mota iha fulan hira ba kotuk,” Ministra Negosiu Estranjeiru no Kooperasaun (MNEK) Adaljiza Albertina Xavier Reis Magno, hateten ba Agéncia TATOLI iha kna’ar fatin, segunda ne’e.

Maski, MNEK rasik prapara hela orsamentu, maibé seidauk hatene nia montante hira, tanba sei hein hela ekipa indentifikasaun hadi’a markasaun ne’e. 

Pilár Markasaun ne’e, lokaliza iha fronteira terestre, Motain entre Timor-Leste no Indonézia, ne’ebé konstrui hosi Governu Portugés hodi fahe sorin mai Timor – Portugés no sorin ba iha Governu Holanda nia konta.

Jornalista : Hortencio Sanchez

Editór        : Florencio Miranda Ximenes