DILI, 03 novembru 2021 (TATOLI)—Sala Situasaun, Sentru Integradu Jestaun Krize (CIGC,sigla Portugés), ohin (03/11) relata, kazu detetadu foun laiha, rekuperadu 18 no kazu ativu 14.
“Númeru kazu detetadu foun laiha, (taxa pozitividade 0%). Totál kazu rekuperadu na’in-18. Ema ne’ebé halo tratamentu ospitalizadu nafatin reduzidu. Munisípiu hitu ho Rejiaun Administrativu Espesiál Oé-Cusse no Ambeno laiha ona kazu ativu no munisípiu tolu sei iha kazu esporádiku no kobertura vasina kompletu doze daruak iha nivél nasionál, foin atinje 48,5%,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, sesta ne’e.
Hosi horisehik mai ohin, Laboratóiu Nasionál Saúde halo teste PCR na’in-ida, kompostu, vijilánsia sentinela laiha, rastreiu ba kontaktu laiha, rastreiu aleatóriu laiha, viájen internasionál nain-ida, follow up iha kuarentena laiha..
Totál teste PCR iha loron 2 novembru, iha munisípiu-sira seluk, Rejiaun Administrativu Espesi Oe-Cusse no Ambeno no Hospitál Nasionál Guido Valadares (HNGV) hamutuk 47, kompostu, Maubisse laiha, Maliana laiha, Viqueque laiha, Suai nain-haat, Baucau laiha, Ermera laiha, RAEOA laiha, HNGV 42, Lautém laiha, Vera Cruz na’in-ida.
Progresu imunizasaun COVID-19
Totál doze vasina ne’ebé fó ona ba sidadaun hotu hamutuk 934.127.
Hosi totál ne’e, populasaun elijível tinan 18 ba leten, ne’ebé simu ona vasina iha loron 3 novembru tuir sistema informasaun Saúde iha Ministériu Saúde ho vasina AstraZeneca kumulativu 1ª doze iha 74.4% no kumulativu 2ª doze 48.5%.
Alende ne’e, populasaun ho idade 12 no menus hosi 18 ne’ebé simu ona vasina Pfizer hamutuk 6,939 ne’ebé ekivalente 3.8%.
Hosi insidénsia COVID-19 iha Timor-Leste, durante loron hitu ikus maka 0,1/100 mil abitante, enkuantu ba deit munisípiu Dili 0,3/100 mil abitante.
Iha loron 03 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na’in-haat, hanesan kazu moderadu na’in- rua no kaman na’in-rua.
Notísia Relevante: COVID-19: pozitivu rua no ativu 46
Jornalista : Felicidade Ximenes
Editór : Florencio Miranda Ximenes
