DILI, 15 dezembru 2021 (TATOLI)— Parlamentu Nasionál, kuarta ne’e, aprova Orsamentu Jerál Estadu (OJE) 2022 ho montante $977.141 ba Servisu Nasionál Ambulánsia no Emerjénsia Médika, Institutu Públiku (SNAEM, I.P, sigla Protugés), iha faze espesialidade ho votu afavor 53, abstensaun 10, kontra 0.
Hosi totál orsamentu ne’e aloka ba kategoria salariu vensimentu $ 50,963, Bens Servisu $ 851,178 Kapitál Menor $ 75,000 Kapitál Dezenvolvimentu la iha no trasnferensia publika la iha.
“Nune’e orsamentu jerál Estadu 2022 ba Servisu Nasionál Ambulánsia Emerjénsia Medika I.P aprovadu,’’ Prezidente Parlamentu Nasionál, Deputadu Aniceto Longuinhos Guterres Lopes, informa iha sala plenária Parlamentu Nasionál, kuarta ne’e.
Notísia Relevante: SNAEM prevee $997,141 finansia programa rua iha OJE 2022
Orsamentu ne’e finansia ba programa rua, hanesan programa ho kodigu 510 kona-ba governasaun di’ak no jestaun institisionál ho alokasaun orsamentu $ 264,785 no programa kodigu 805 kona-ba saúde prevee osan $ 712,356.
Iha programa jestaun institusionál ho nia atividade kona-ba jestaun veíkulu espesífiku saúde aloka $113,940 ho indikadór númeru veíkulu ambulánsia disponivél iha territóriu nasionál no hametin kontrolu kualidade ba atedimentu ambulánsia.
Notísia Relevante: Indonézia oferese ró ambulánsia ida ba MS
Jornalista : Felicidade Ximenes
Editór : Florencio Miranda Ximenes
