DILI, 27 jullu 2022 (TATOLI)—Prezidente Konsellu Administrasaun Autoridade Portuária Timor-Leste (APORTIL), Lamartinho de Oliveira, hateten, durante fula-neen nia laran iha tinan 2022, autoridade konsege rekolla reseita millaun $2 resin.
“Reseita ne’ebé ita rekolla hosi janeiru to’o juñu hamutuk $2.458.026,21,” Lamartinho de Oliveira, informa ba Agência Tatoli, iha ninia knaar fatin, Colmera, kuarta ne’e.
Notísia relevante: Tinan Ne’e Reseita APORTIL Bele Atinje Milliaun $4
Nia esplika, reseita milliaun $2 resin ne’ebé akumula mai hosi ró ai $393,14, ró besi $1.952.266,54, Berlin Ramelau $355.575, armazen deskobertu $139.447,87, no armazen kobertu $3.595.
“Nune’e, ita hetan mós reseita hosi bee ne’ebé fornese ba ró sira, nune’e iha portu bee $5.150, enerjia dada bee $1.328,66 no seluk tan $270,” nia akresenta.
Jornalista : Arminda Fonseca
Editora : Julia Chatarina
