DILI, 13 setembru (TATOLI)–Santidade Papa Francisco iha nia vizita pastorál ba da-45 iha Timor-Leste ne’e, Santu Padre hasoru malu ho padre sira husi kongragasaun Kompañia de Jesus (Jesuita) hamutuk ema na’in-41 iha rezidénsia Nunsiatura Apostólika iha 10 setembru 2024, durante minute 45, iha Motael.
“Iha sorumutu ne’e, Papa Francisco halo kol’okiu ida ho padre Jesuita sira ho tema oioin inklui mós tema inkulturasaun ho prezensa 41 Jesuita husi raejiaun oioin Aziatika ne’ebé rezide iha Timor-Leste,” haktuir iha pajina espesiál Vatican News.
Padre Gonçalves konta ho respirasaun ida familia iha Papa nia oin liuliu grupu internasionál ho jesuita sira husi Vietname, Malázia no Filipina hanesan grupu diversifikadu no traballu diferensa iha edukasaun ba joven ka institutu formasaun ba profesóor sira, liuliu traballu ida konsidera importante liu no ezersisiu espiriturál iha parókia sira.
Ida-ne’e enkontru ba daruak Papa Francisco ho Jesuíta, hafoin sorumutu serkade oras ida realiza iha ikus nian iha 04 setembru iha Jakarta ho padre 200 no enkontru seluk iha kinta-feira 12 setembru iha sentru de retiru São Francisco Xavier.
“Iha kolókiu durante minutu 45 ne’e sempre iha pergunta, resposta, konfidensiál no troka komentáriu, ba tema ne’ebé aborda sempre ligadu ho vida Kompañia de Jesus,” diretór de La Civiltà Cattolica ne’e hateten.
Hanesan Papa hare traballu padre Jesuita sira-nian iha lokál ida-idak kada nasaun, tema komun mak kompromisu ho justisa sosiál, dutrina igreja no nia importansia sira.
Importánsia husi inkulturasaun ka evanjellu tenke inkultura no iha kultura mak evanjelizadu, temátika rekorrente ba etapa timorense no iha sentru husi tema ne’ebé hili “Atu imi-nia fiar sai imi-nia kultura”.
Iha enkontru ne’e, marka prezensa mos Padre João Felgueiras, idade 103, relijiozu portugés iha Timor-Leste ne’ebé hahú husi okupasaun Indonézia hela iha Timor-Leste. Amu Papa mós kumprimenta Padre João Felgueira hanesan Jesuita ida ho idade boot-liu hamutuk tolu iha mundu.
“Relijiozu portugés ne’e hela iha Timor-Leste desde tempu okupasaun Indonézia nian no nunka husik nasaun no povu timorense, nein iha momentu defísil, Amu Papa halo omenjen públika ida. Santu Padre hetan ona informasaun, entaun hakat liu diretaemnte hodi haku’ak, agradese nia no hakuak. Padre João emosinadu tebe-tebes,” haktuir Pe. Nuno da Silva Gonçalve, diretór de La Civilitá Cattolica no membru Komitiva Papal iha viajen ne’e ba sudeste Aziatiku no Oceania, deskreve iha Vatican News.
Jornalista : Jesuína Xavier
Editór : Cancio Ximenes
