DILI, 30 setembru 2024 (TATOLI)–Governu liuhusi Xefe Departamentu Jestaun Merkadu iha Autoridade Munisípiu Dili (AMD), Joaquim B. M. Belo, hateten servisu jestaun merkadu sei fó sansaun ka aplika koima ba vendedór sira-ne’ebé kontinua faan sasán iha espasu públiku tuir artigu 3º no 10º Dekretu-Lei nú. 3/2008.
Iha artigu 10 Dekretu-Lei númeru 33/2008 hateten, determiansaun husi medida koima halo iha funsaun gravidade ba kontra ordenasaun, sala situasaun ekonómika husi no benefisiu ekonómiku ne’ebé liuhusi prátika kontra ordenasaun.
Nia hateten, avizu ne’ebé fó sai mak la kumpre ona hanesan avizu eskrita ne’ebé taka ona ihafatin sira atu labele faan iha fatin públiku no trotoar leten maksei fó sansaun ba isra.
“Ami-nia funsionáriu sira kontinua kontrola no kontinua fó avizu verbál ho fuan ba fuan atu negosiante sira labele faan iha iha dalan ninin no estasionamentu sira hanesan iha merkadu Taibesi nian,” Xefe Departamentu Jestaun Merkadu iha Autoridade Munisípiu Dili (AMD) ne’e hateten ba Agência Tatoli, iha Faról, segunda ne’e.
Husu kona-ba Vendedór sira iha área Kristu Rei nian fó avizu ruma hodi labele faan iha espasu públiku, area juridku sira munisipiu Dili nian inklui Kristu Rei nian ne’e fó ona avizu atu labele faan.
“Iha Kristu Rei nian sira tunu saté no batar iha tortoar leten. Ema la’o fali iha Estrada. Ami sei la tolera, ba oin atu sira kontinua faan hanesan ne’e,” nia dehan.
Tuir nia, vendedór sira hanoin Amu Papa Francisco mai vizita Timor-Leste ne’e mak ekipa jestaun merkadu serbisu hodi hasai vendedór sira iha espasu públiku sira-ne’e, maibé ne’e sala tanba ekipa ne’e implementa lei.
Negosiante sira faan iha merkadu Taibesi nian ne’e, vendedór movél husi munisipiu sira mak okupa fatin estasionamentu karreta nian bainhira mamuk no sira faan hotu ne’e fila ba munisipiu.
“Sira tun mai, haree fatin livre, sira rau meza hodi faan. Ita avizu no fó hanoin atu labele faan iha ne’ebá. Sira hafuhu ami, haree ami retira ona, sira komesa ona faan. Se sira lakomprende mak ita uza lei hodi ezekuta de’it,” nia hateten.
Meu ne’ebé uza mak fó avizu liuhusi Sekretária Estadu Asuntu Toponímia no Organizasaun Urbana (SEATOU) tuir dekretu-lei, vendedór sira mak laiha konsiénsia tanba sira hafuhu ekipa jestaun merkadu hanesan busa ho laho.
“Sira harEe ami ses aan ona, sira komesa faan fali ona. Hakarak ka lakohi, ami tuir lei muda nafatin sira. Bainhira sira kontinua la komprende, lei sei nafatin kondena no obriga sira atu tauk. Ami hato’o ona ba superiór sira no sei diskute. Lei iha tiha ona, seidauk aplika, tanba Autoridade MunisipÁl seidauk fó orden kona-ba ida-ne’e. Sei la tolera, vendedór sira faan iha sidade Dili uza espasu públiku sira,” nia dehan.
Jornalista : Jesuína Xavier
Editór : Cancio Ximenes
