DILI, 18 Jullu 2025 (TATOLI)—Prezidente Repúblika, José Ramos Horta, simu kondekorasaun Amílcar Carbral husi Estadu Guiné-Bissau liuhusi dekretu Prezidensiál númeru 20/2025, 14 Jullu, ne’ebé asina husi Prezidente Repúblika Guiné-Bissau, Jenerál Ezérsitu Umaro Sissoco Embaló.
Medalla Amílcar Cabral u’udár medalla aas liu iha Estadu Guiné-Bissau ne’ebé fó ba alta entidade no organizasaun sira-ne’ebé luta ba bem komúm país ida-nian durante tinan barak.
Entretantu, Xefe Estadu atuál simu medalla refere iha okaziaun Banquete ne’ebé oferese ba alta entidade país membru CPLP ne’ebé partisipa iha simeira Xefe Estadu no Xefe Guvernu ba da-15.
Iha tempu hanesan, selebra mós tinan 29 ezisténsia organizasaun CPLP, organiza husi Prezidente Repúblika Guiné-Bissau iha Palásiu Rosa, sidade Bissau.
Prezidente Repúblika ho delegasaun to’o iha Guiné-Bissauniha iha kuarta (17 Jullu 2025) ho aviaun TAP Portugál.
TATOLI
