KOVALIMA, 11 Outubru 2025 (TATOLI) – Sekretáriu Estadu Arte no Kultura (SEAK), Jorge Soares Cristovão, promote kontinua atu organiza eventu festivál fronteira to’o Governu dasia termina nia mandatu, tanba eventu festivál iha Kovalima la’o ho susesu.
Eventu festivál Fronteira 2025 ba datoluk hala’o iha munisípiu Kovalima organiza husi Sekretáriu Estadu Arte no Kultura (SEAK), Ministériu Juventude Desportu Arte no Kultura (MJDAK), Sentru Nasionál Chega (CNC I.P), hamutuk ho autoridade munisípiu Kovalima.
Nia dehan, Governu organiza eventu festivál 2025 iha Kovalima ho susesu, tanba komunidade-sira entusiazmu hatudu maturidade, hodi konstribui ba pás no estabilidade nune’e atividade la’o to’o terimina.
“Ita organiza eventu festivál fronteira iha munisípiu ne’ebé mak liga ho fronteira ho nune’e Governu komitmentu planu no atividade iha eventu festivál fronteira, ita sei kontinua realiza to’o Governu dasia termina nia mandate,” Governante ne’e hato’o iha nia diskursu bainhira ensera eventu festivál fronteira 2025 iha kampu Ladi, Kovalima.
Razaun atividade festivál fronteira la’o ho susesu hahú abertura to’o mai iha enseramentu, tanba hala’o atividade sira hanesan, atividade kulturál hodi halo aprezentasaun dansa kulturál, diálogu no semináriu ne’ebé oradór sira aprezenta matéria atu hametin pás ba joven-sira entre NTT ho Timor-Leste.
Atividade desportu hodi harame komunidade liuhosi kompetisaun jogu ho modalidade neen ne’ebé maka organiza husi Ministériu Juventude Desportu Arte no Kultura (MJDAK)
Governante ne’e fó hanoin katak, eventu festivál fronteira la’Ós foin maka organiza iha munisípiu Kovalima maibé organiza iha Kovalima ne’e ba datoluk ona, tanba hahú organiza 2023 iha Bobonaro no 2024 iha RAEOA.
Diretór CNC, Hugo Maria Fernandes, sente orgullu tanba iha oportunidade bele organiza festivál fronteira 2025 iha Kovalima, partisipa másimu husi komunidade sira hatudu vontade no solidariedade nune’e atividade la’o ho susesu.
“Ho atividade ida-ne’e ita bele kura liuhosi arte no kulturál, daudaun ne’e kalan ikus ona. Ita haree arte no kulturál bele halibur ita, maske hatudu dansa iha tanis nia laran,” nia dehan.
Dirijente CNC observa katak, joven-sira husi Kovalima simu bainaka ho oin midar, maske foin lalais akontese problema uitoan iha fronteira, maibé Kovalima simu bainaka ho maduru
“Nune’e jerasaun foun presiza atu banati tuir ita-nia inan aman no nai veteranu no vítima sira ne’ebé kanek no fitar ida-ne’e sai memória ita husik ba rai ida-ne’e,” nia hatutan.
iha Atividade enseramentu ne’e komisaun organizadora sira mós entrega premiu ba manán na’in sira iha kompetisaun jogu fronteira cup ho modalidade neen husi munisípiu Bobonaro, RAEOA no Kovalima.
Kompetisaun jogu fronteira cup hanesan desportu modalidade atletismu feto primeiru lugár husi munisípiu Kovalima ho naran Chelcia Ximenes ne’ebé hetan prémiu osan $ 500.00, segundu lugár husi RAEOA ho naran Regina Quefi $ 350.00, terseiru lugár husi Bobonaro Celcia Bolo $250.00 no kuartu lugár husi RAEOA Maria Cab
Atletismu ba mane primeiru lugár husi Kovalima ho naran Roberto Carlos Monis $500.00, segundu lugár husi Kovalima ho naran Bendito Monis $ 350.00, terseiru lugár husi RAEOA, Deonizio Oqui $ 250 no ba kuartu lugár Kovalima ho naran Narcizio Ximenes $ 150.00
Desportu modalidade basketból ba mane primeiru lugár husi Bobonaru $ 800.00, segundu lugár RAEOA $ 600.00, terseiru lugár Kovalina B (ESCAM) $ 450.00 no terseiru lugár Kovalima $300.
Futsál feto primeiru lugár Kovalima B $800.00, segundu lugár RAEOA ho osan $600.00, terseiru lugár Bobonaro $450 no kuartu lugár Kovalima C $300.
Kompetisaun jogu futeból ba mane primeiru lugár Bobonaro $1,000.00, segundu lugár Kovalima D $750.00, terseiru lugár Kovalima A $500.00 no kuartu lugár RAEOA ho osan $300.00
Voleiból feto primeiru lugár RAEOA $800.00, segundu lugár Bobonaro ho osan $600.00, terseiru lugár husi Kovalima D $450.00 no kuartu lugár Kovalima A $300.00
Aleinde mós kompetisaun kurrida Kavalu ba klase B primeiru lugár Amigu Fatumea $475,00, segundu lugár Country Boi $350, terseiru lugár Lemorai $250.00 no kuartu lugár Noi Bonita Belu Tasi Mane $ 200.00.
Kurida Kavalu klase C primeiru lugár fitun busi $ 475.00, segundu lugár Good Boy $350.00, terseiru lugár Country boi $250.00 no kuArtu lugár Leomorai $200.00
Kurrida Kavalu klase D primeiru lugár amada $475,00, segundu lugár Babuta $ 350, terseiru lugár mesak $250.00 no kuartu lugár Mali Ki’ik $200.00
Kurrida Kavalu klase E primeiru lugár Kobarde $475,00, segundu lugár Mesak $ 350, terseiru lugár babolu $250.00 no kuartu lugár Makikit Minarai $200.00
Notísia relevante: PN apresia atividade CNC promove rekonsiliasaun
Jornalista:Celestina Teles
Editór: Evaristo Soares Martins
