DILI, 11 Juñu 2026 (TATOLI)–Académica FC taka nia jornada ikus iha Segunda Divizaun Liga Futebol Timor-Leste (LFTL) 2026 ho vitória 2-0 hasoru Wesasel FC, iha jogu ne’ebé hala’o iha Estádiu Munisipál Dili, kinta kalan.
Maski jogu ne’e la muda ona destinu promosaun tanba AD Santo António mak garante ona billete ba Primeira Divizaun 2027, Académica hatudu nafatin profisionalizmu hodi hadau pontu tolu kompletu husi nia adversáriu.
Iha jogu ne’e, Weasel esforsu atu prodús golu, maibé Académica la hatudu nia pontu fraku. Atake ho vellsidade maka’as halo Weasel book an la di’ak iha kampu laran.
Académica lansa atake ne’ebé maka’as, nune’e golu dahuluk mosu lalais iha minutu 15 liu husi jogadór Sonny Aplunggi ne’ebé aproveita sala iha Wesasel nia liña defeza hodi loke golu dahuluk muda rezultadu ba 1-0 ba Académica, no rezultadu ne’e mantein to’o deskansa.
Tama ba segunda parte, Académica kontinua kontrola jogu no iha minutu 52, Daniel da Costa marka tan golu daruak hodi taka vitória 2-0.
Ho vitória ne’e, Académica FC hakotu nia partisipasaun iha Grupu A ho laran haksolok, maske la konsege hetan ba promosaun hakat ba Primeira Divizaun époka 2027. Pontu tolu ikus ne’e sai hanesan prémiu konsolasaun ba sira nia esforsu durante époka tomak.
Jogu ne’e rasik hanesan formalidade de’it ba Grupu A, tanba kalkulasaun klasifikasaun hatudu ona katak AD Santo António mak sai kampiaun grupu no promove diretu ba Primeira Divizaun 2027 hafoin tuda FIEL 7-0 iha kinta kalan.
Wesasel FC, husi sorin seluk, tenke simu realidade hakotu époka ho derrota no sei hadi’a liután iha époka oin mai.
Enkuantu hein époka 2027, Académica FC sei halo avaliasaun interna atu reforsa ekipa nune’e bele kompete forte liután ba promosaun.
Ekipa Académica
João da Costa (31), Antonio Ximenes (13), Calistro Pereira (12), Leandro Amaral (24), Vasco Boavida (2); Jefrianto Soinbala (4), Januario Fonseca (17), Figores Sarmento (26); Yusif Alhassan (8), Juvinal Boavida (19), Norberto Ximenes (20).
Jogadór Suplente
Otilio Guterres (1), Tomas Lopes (29), Sonny Aplunggi (7), Romit Mendonça (3), Daniel da Costa (10), Messi Korwa (6), Jeovaldo da Costa (27), Mariano Soares (5), Gregorius Ruing (16), Romario da Silva (15), Gilberto de Jesus (21), Ayuto Tokuda (25).
Ekipa Weasel FC
Agustinus Bere (30), Yermias Bria (15), Emildio Casmiro (4), Florindo Fernandes (2), Julião Pires (18), Alexandre Martins (77), Nilton de Jesus (49), Benyamin Soares (99), Deonizio Martins (6), Richard Bere (9), Romario Florindo (17).
Jogadór Suplente
João Madeira (1), Janel Araujo (10), Crisongno Salsinha (12), Nuncio Exposto (16), Olivio Gonçalves (13), Josevaldo Salsinha (8), Frenki Mali (21), Domingos Lemos (22), Anuncio de Deus (19), Eliazer da Silva (11), Leonio Casmiro (3), Marcos Gonçalves (7) no Bendito Lemos (25).
Jornalista : Hortêncio Sanchez
Editór : Cancio Ximenes
