DILI, 15 Juñu 2026 (TATOLI)—Austrália, Japaun no Korea Súl lori Ázia Pasífiku nia naran hodi halo ahi faze grupu iha Kopa Mundiál 2026. Ekipa tolu ne’e hasoru presaun husi selesaun nasionál husi nasaun jigante iha Europa hanesan Austrália hasoru Turkia, Japaun hasoru Olanda no Korea Súl hasoru Repúblika Cheka.
Iha loron rua nia laran, iha Estádu Unidu Amerika (EUA), Méxiko no Kanada, ekipa tolu husi Azia-Pasífiku ne’e konsege haknauk rezultadu pozitivu hasoru Olanda, Repúblika Cheka, no Turkia – prova katak futeból Ázia prontu ona atu kompete iha palku mundiál.
Loron rua ne’e sai loron istóriku ba futeból Azia iha Kopa Mundiál 2026. Japaun konsege empata 2-2 hasoru Olanda, enkuantu Korea Súl no Austrália la’os empata de’it maibé sira manán direta hasoru Repúblika Cheka 2-1 no Turkia 2-0.
Ho rezolultadu jogu iha faze grupu ne’e, lori Austrália, Japaun no Korea Súl sai mós selesaun nasionál ida-ne’ebé fó esperansa ba sira-ania nasaun ida-idak no fó mós ksolok ba nasaun Ázia Pasífiku sira seluk, no fó alarm aba nasaun Europa katak Ázia mos bele halo ahi no halakan ahi iha Kopa Mundiál 2026 ne’e.
Japaun vs Olanda 2-2
Jogu iha presaun no atake nia laran. Olanda ho Van Dijk loke golu dahuluk, maibé Japaun la fuan fraku. Keito Nakamura hatama golu iha minutu 57 no Daichi Kamada salva ekipa ho golu minutu 89. 2-2. Japão prova dixiplina no mentalidade forte hasoru ekipa elite Europa.
Korea Súl vs Cheka 2-1
Iha MetLife Stadium, Korea Súl hasoru Repúblika Cheka, ho jogu ida-ne’ebé la fasil. Repúblika Cheka loke vantajen dahuluk, maibé Korea Súl hatán ho kalma, to’o ikus jogadór Son Heung-min no Hwang Hee-chan kombinasaun matenek lori Korea hadau rezultadu ba 2-1. Vitória istóriku ne’e fó esperansa boot ba Korea Súl atu liu ba 16-besar.
Austrália vs Turkia 2-0
Austrália joga ho konfiansa boot iha SoFi Stadium. La hanesan empata de’it, “Socceroos” ataka no marka golu rua (2) no sira la sofre golu ida mós ho rezulatdu 2-0 hasoru Turkia. Rezultadu ne’e hatudu katak Austrália bele manán ho esforsu ekipa ne’ebé sira iha no kuda.
Era foun hahú Ona
Iha loron rua (2) de’it, Ázia foti pontu hitu (7) husi jogu tolu hasoru ekipa jigante husi nasaun Europa. Japaun empata, Korea Súl no Austrália manán ho hatama golu la’os ema mak hatama golu ba sira. Ne’e la’os sorte, ne’e rezultadu husi tinan barak investe iha formasaun ba joven sira no kria liga profisionál.
Sira (Austrália, Korea Súl no Japaun) sempre envolve iha palku Kopa Mundiál liuhusi viajen naruk. Tan ne’e, vitória ne’ebé sira rekolla husi empata no manán iha faze grupu sente hanesan ultrapasa pontu tolu (3) no ida (1) ne’ebé sira akumula.
Hanesan reprezentante Ázia Socceroos halakan esperansa katak ki’ik la’os tenke moris husi tradisaun boot, maibé husi dixiplina no brani. Ne’e la’ós fasil maibé tenke liuhusi poténsia futeból sira seluk Europa nian, Austrália, Korea Súl no Japaun prova katak anin husi kosta súl mós bele doko kontinente azúl (Europa) nia torre futeból.
Sira0nia Selesaun Nasionál susesu iha sira nia jogu dahuluk Grupu A, D, F, Kopa Mundiál FIFA 2026 bainhira halakon no empata ho adversáriu liuhusi jogu ne’ebé realiza iha Estádiu sira iha kontinente Amérika.
Jornalista : Hortêncio Sanchez
Editór : Cancio Ximenes
