DILI, 16 Juñu 2026 (TATOLI)—Jogadór Maxi Araújo marka golu iha minutu 80, salva Uruguai husi derrota no hadau pontu tolu husi Arabia Saudita nia liman banihira lidera 1-0 iha minutu 41 iha jogu primeira parte, iha jogu Kopa Mundiál FIFA 2026 iha grupu G ne’ebé realiza iha Estádiu Miami Gardens, Florida, tersa (16 Juñu 2026) oras Timor-Leste.
Uruguai evita derrota iha minutu ikus jogu nian hafoin Maxi Araújo marka golu empata 1-1 hasoru Arabia Saudita. Pontu ida (1) ne’e fó esperansa ba La Celeste bele compete iha Grupu G.
Jogu ne’ebé lidera husi árbitru Maurizio Mariani husi nasaun Guatemala ne’e, fó biban ba nasaun rua loke sira-nia luta iha kampu laran. Jogu la’o, jogadór Arába Saudita lansa kedan kontra atake ba jogadór nasaun husi Amérika Latina ne’e.
Arabia Saudita halo atake boot ida iha primeira parte hodi konsege hatudu sira-nia matenek iha jogu. Arabia Saudita, ne’ebé haree hanesan la perigozu, maibé iha minutu 35 dahuluk, derepente kria oportunidade barak maibé seidauk rezulta golu tanba defeza Uruguay sólidu tebes.
Oportunidade ida husi Arabia Saudita ikusmai rezulta iha golu ida. Golu ne’e marka hosi Abdulelah Al Amri, ne’ebé joga iha defeza sentrál.
Al Amri marka golu husi kantu. Husi kantu ne’ebé rezulta, Mohamed Kanno ho susesu kabesa bola. Guarda-rede Uruguai Fernando Muslera la konsege kontrola bola ho di’ak. Al Amri la halo sala, reajen lalais no haruka bola ba rede husi distánsia besik iha minutu 41.
Golu ne’e mak sai golu ikus no golu dahuluk iha minutu primeira parte jogu, lori jogadór sira dada iis uitian ho rezultadu 1-0 ne’ebé lidera husi Arábe Saudita.
Hakat ba segunda parte, ekipa Uruguai koko atu aumenta sira-nia abilidade jogu hodi halo atake, nune’e jogadór Darwin Nunez mós hetan substituisaun iha inísiu segunda parte.
Darwin Nunez, ne’ebé mak hein atu sai hanesan mákina golu nian, luta iha segunda parte. Ida ne’e halo Marcelo Bielsa halo mudansa ba atake Uruguai nian.
Maske sira halo esforsu, Uruguai la konsege sai ameasa ida-ne’ebé forte ba Arabia Saudita. Hanesan hatudu iha minutu 15 ne’ebé mak sei iha, Uruguai konsege lansa xutu dala rua maibé la kona iha alvu.
Uruguai nia serbisu maka’as ikus mai fó rezultadu iha minutu 80, bainhira jogadór Maximiliano Araujo marka golu ida hodi kapitaliza iha luta ida iha baliza Arabia Saudita nian.
Golu ne’e akontese hafoin Federico Vinas nia kabesa la hetan maneja ho di’ak husi guarda-rede Arabia Saudita Mohamed Al Owais. Araujo movimenta lalais no suta ida husi ângulu ne’ebé metin hodi hasoru bola ne’ebé namlele.
Hafoin marka golu, Uruguai intensifika sira-nia presaun hasoru Arabia Saudita. Jogadór Federico Valverde lansa suta ida-ne’ebé presiza iha tempu kursiál nian, maibé nia suta ba kantu karuk hetan salvasaun husi Mohamed Al Owais.
Ho nune’e, iha minutu ikus husi minutu 90+7, ekipa rua xave malu metin to’o jogu termina ne’e rezultadu mantein ho rezulatdu 1-1.
Arabia Saudita (4-4-2)
Mohammed Al Owais; Saud Abdulhamid, Abdulelah Al Amri, Hassan Al Tombakti, Moteb Al Harbi, Saleh Abu Al Shamat, Mohamed Kanno, Abdullah Al Khaibari, Salem Al Dawsari; Feras Albrikan, Musab A Juwayr.
Uruguai (4-2-3-1)
Fernando Muslera; Guillermo Varela, Sebastian Caceres, Mathias Olivera, Matias Vina, Manuel Ugarte, Rodrigo Bentancur, Federico Valverde, Federico Vinas, Maximiliano Araujo, Darwin Nunez,
Jornalista : Hortêncio Sanchez
Editór : Cancio Ximenes
