KOVALIMA, 03 Juñu 2026 (TATOLI) – Sekretáriu Estadu Igualdade (SEI), sesta-ne’e, partilla informasaun kona-bá violénsia bazeia ba Jéneru ba alunu sira iha eskola Sekundáriu Jerál Públiku ESGP Suai.
“Atividade sosializasaun informasaun kona-bá Igualdade Jéneru no Violénsia Bazeia ba Jéneru ba alunu sira ne’e, signifika ita-boot sira nia direitu hanesan maibé tenke hatene ita-boot sira-nia nia dever, nune’e tenke tau aan. Alunu sira presiza foku atu aprende siensia labele atu monu ba lasu liliu tiktok no facebook no seluk tan”, Sekretáriu Munisipál Asuntu Sosiál no Organizasaun Komunitária Filomeno Cardoso, hato’o liuhusi nia diskursu iha salaun ESJP Suai.
Autoridade Kovalima, husu ba alunu sira atu foku rona informasaun ne’ebé mak partilla partilla husi Sekretariu Estadu Igualdade (SEI) kona-bá Violénsia ba Jéneru no violénsia doméstika.
“Atu hadia imi-nia futuru ita-boot sira presiza atu estuda tenke iha kapasidade intelektual ho dignidade tanba futuru Timor iha ita-boot sira nia liman”, nia dehan.
Iha fatin hanesan, Pontu Vokál Francisco de Araújo, reforsa katak atividade partilla informasaun hanesan atividade kontinuasaun hodi hasa’e alunu sira-nia koñesementu kona-bá igualdade jéneru no violénsia bazeia ba jéneru.
“ Ita la’os foin mak hahú ba fulan-ne’e maibé atividade kontinuasaun hanesan ami kna’ar oinsa atu partilla informasaun liga ho asuntu Igualdade Jéneru no Violénsia Bazeia ba Jéneru ba alunu sira”, nia dehan
Pontu Vokál SEI fó hanoin ba alunu sira atu partisipa ho masinu nune’e bele iha koñesementu kona-bá igualdade Jéneru no Violénsia Bazeia ba Jéneru.
Entertantu, Reprezentante Diretór Eskola Sekundáriu Jerál Públiku Suai, Ana Doutel Sarmento Vong alerta ba alunu sira partisipa ho masimu tanba feto ho mane iha direitu hanesan.
“Ita-boot atu rona informasaun ita hotu hatene feto ho mane iha direitu ne’ebé hanesan mak direitu atu ba eskola, direitu atu ba servisu no seluk tan”, nian informa.
Jornalista:Celestina Teles
Editór:Florencio Miranda Ximenes
