DILI, 04 Jullu 2026 (TATOLI)—Jogu faze 32 Kopa Mundiál 2026, sábadu (04 Jullu 2026) ohin, konklui ona no ekipa husi nasaun 16 mak kualifika ba jornada 16 nian.
Arjentina, Ejiptu no Kolómbia sai hanesan nasaun tolu ikus liu ne’ebé asegura sira-nia fatin iha faze eliminatória hafoin halakon sira-nia adversáriu ida-idak iha jogu dramátiku sira iha sábadu ohin.
Jogu tolu ikus iha Ronda 32 nian garante katak defeza kampeaun sira, reprezentante afrikanu ida no forsa súl-amerikanu ida avansa ba faze eliminatória.
Arjentina hasoru Cabo Verde (3-2): Argentina tama iha tempu adisionál hodi ultrapasa rezisténsia maka’as Kabu Verde nian iha Estádiu Miami.
Lionel Messi loke markadór iha minutu 29, maibé Kabu Verde hatán dala rua liuhusi Deroy Duarte no suta dook husi Sidny Lopes Cabral. Cristian Romero nia golu desizivu iha minutu 111 ikus mai asegura vitória ba albiceleste.
Ejiptu hasoru Austrália (4-2 Penalidade): Hafoin empata 1-1 hafoin minutu 120 iha Estádiu Dallas, Ejiptu halakon Austrália ho penalti. Hossam Abdelmaguid marka golu vitória nian ba Pharaohs, hodi halakon Mathew Ryan iha jogu tiruteiu nian.
Kolómbia hasoru Gana (1-0): Jhon Arias nia golu iha minutu 14 iha Estádiu Kansas City asegura fatin ba Los Cafeteros iha Jornada 16, iha ne’ebé sira sei hasoru Suisa.
Lista Ofisiál husi Nasaun 16 ne’ebé Kualifikadu ba Ronda 16
Ho Jornada 32 ne’ebé kompletu ona, iha ne’e mak lista kompletu husi ekipa nasionál 16 ne’ebé sei kompete iha Jornada 16 Kopa Mundiál 2026 ne’ebé fó sai husi FIFA:
Kanadá, Méxiku, Estadus Unidus, Brazil, Paraguai, Maroko, Noruega, Fransa, Inglaterra, Béljika, España, Portugál, Suisa, Arjentina, Ejiptu, Kolómbia.
Messi lidera markadór sira-ne’ebé di’ak-liu iha mundu
Jogu entre akipa iha Ronda 32 nian mós konfirma dominasaun individuál, ho kapitaun Arjentina nian ne’ebé agora lidera korrida ba vota Osan-Mean.
Golu hitu (7): Ho golu ida tan kontra Kabou Verde, Lionel Messi agora iha golu hamutuk hitu (7) iha torneiu tomak.
Durante Kompetisaun, Messi nia golu hitu (7) ultrapasa Kylian Mbappé husi Fransa nia golu nen (6) no ultrapasa Erling Haaland no Harry Kane nia golu lima (5).
Jornalista : Hortêncio Sanchez
Editór : Cancio Ximenes
