DILI, 13 jullu 2022 (TATOLI)—Diretór Nasionál Asisténsia Sosiál (DNSA), Lucas Tois, informa benefisiáriu ba programa Bolsa da Mãe atuál kondisionál ba 2022 hamutuk 45.836.
Notísia Relevante: Benefisiáriu Bolsa da Mãe atuál rihun 101-resin simu subsídiu hosi Governu
“Benefisiáriu ba bolsa da mãe atuál kondisionál ne’ebé ita rejistu iha MSSI hamutuk 45.836 ho nia totál orsamentu $5,394,120.00,” Lucas Tois informa ba Agência TATOLI, iha nia knaar fatin Caicoli, Dili kuarta ne’e.
Munisípiu Aileu iha benefisiáriu 2,556 ho nia osan $310,740.00; Ainaro 3.300 ho orsamentu $397,320.00; Baucau 4.482 ho orsamentu $504,180.00; Bobonaro 4.199 ho orsamentu $522,480.00; Covalima 3.610 ho totál orsamentu $390,780.00; Dili 5.394 ho orsamentu $625,080.00.
Benefisiáriu bolsa da mãe atual iha munisípiu Ermera 3.246 ho nia orsamentu $406,860.00; Lautém 3.129 ho nia orsamentu $397,800.00; Liquiça 3.238 ho orsamentu $384,240.00; Manatuto 2.520 ho orsamentu $296.220.00; Manufahi 3.098 ho totál orsamwntu $369,900.00; RAEOA 4.227 ho orsamentu $445,740.00: Viqueque 2.837 ho orsamentu $342,900.00.
Responsável ne’e hatutan, hosi totál osan hirak-ne’e agora iha ona konta transitóriu bolsa da mãe atuál kondisionál nian.
“Osan $5,394,120.00 ne’e iha ona konta transitóriu BNCTL nian depois pagamentu indozu no infalidéz termina mak sira foin haruka ba sukursal BNCTL nian iha postu sira, iha munisípiu sira hotu,” nia dehan.
Jornalista : Osória Marques
Editór : Cancio Ximenes
