COVALIMA, 27 outubru 2022 (TATOLI)—Administradór munisípiu Covalima liuhosi enkontru Konselu Koordenasaun Munisipál hamutuk ho diretór sira diskute asuntu progresu servisu no dezafiu implementa programa bee-mòs no investimentu iha Covalima.
“Kada fulan a,I enkontru hodi diskutekona-ba progresu servisu no dezafiu durante implementa programa dada bee-moos no investimentu iha Covalima,” Autoridade Covalima, Francisco de Andrade, hateten ba jornalista sira iha salaun Administrasaun Munisípiu Covalima (AMC) iha Sukaer Laran, kinta ne’e.
Durante enkontru, konsellu koordenasaun ne’e Bee Timor-Leste Empreza Públika (BTL, E.P) no Servisu Munisipál Agua no Saniamentu (SMAS) hasoru difikuldade tanba instituisaun rua ne’e hala’o kna’ar hodi kontrola bee-moos ba komunidade iha Covalima.
Dazafiu ne’ebé mak instituisaun rua enfrenta ne’e, autoridade Covalima promete hafoin realiza enkontru koordenasaun sei buka solusaun yanba bazea ba lei númeru 54 kona-ba bee-moos sei kontrola hosi Bee Timor-Leste Empreza Públika (BTL, E.P).
Xefe Departamentu Reprezentasaun Territoriál Floresta Planta Indústria Covalima, Francisco Sarmento, husu ba instituisaun Bee Timor-Leste Empreza Públika no Servisu Munisipál Agua no Saniamentu atu define área kontrola bee-moos.
“Ita boot sira bele define área Servisu munisipal Agua no Saneamentu no Bee Timor-Leste Empreza Públika (BTL, E.P), nune’e bele halo intervensaun bainhira komunidade hasoru problema kona-ba bee-moos,” nia dehan.
Jornalista : Celestina Teles
Editór : Cancio Ximenes
