DILI, 24 fevereiru 2023 (TATOLI)—Ministru Asuntu Kombatente Libertasaun Nasionál (MACLN, sigla portugés), Júlio Sarmento “Meta Mali”, hateten tinan 2023 ne’e MACLN sei atribui bolsa estudu ba veteranu nia oan iha territóriu nasionál no kada munisípiu 100-resin.
Notísia Relevante: MACLN aprova programa bolsa estudu ba veteranu nia oan hamutuk 839
“Tinan ne’e, ita sei taka sai tan bolsa estudu ba veteranu nia oan sira no kada munisípiu presiza 100-resin. Iha tinan 2023 ne’e, ita aumenta maibé tinan kotuk ba ema 100 de’it,” Meta Mali hateten ba Agência Tatoli, iha nia kna’ar fatin Caicoli, kinta.
Sekretáriu Estadu Kombatente Libertasaun Nasionál (SEACLN), Júlio da Conceição “Loro Mesak”, hateten bolsa estudu ba 2023 sei loke iha períodu loron 30 ne’ebé hahú iha 27 fulan-fevereiru to’o 28 marsu.
“Rekerimentu sei hala’o iha edifísu CCLN hosi munisípiu hotu-hotu iha Timor-Leste, tanba tinan ida-ne’e MACLN loke ba ema 2.145 iha territóriu nasionál,” nia hateten.
Antes ne’e, MAKLN hamutuk ho SEACLN aplika vaga refere ba ema 1.300 maibé na’in-839 de’it mak prienxe rekezitu.
Notísia Relevante: Rekerrente bolsa estudu ba veteranu nia oan 1,548 iha faze ajustamentu
Jornalista : Osória Marques
Editór : Cancio Ximenes
