COVALIMA, 14 jullu 2023 (TATOLI)–Koordenadór Bee Timor-Leste, Empreza Públiku (BTL, E.P) Covalima, Castro Dody Ramos, hateten Tékniu BYL, E.P hahú hala’o instalasaun kontadór unidade 60 ba kliénte sira iha área urbana, postu Suai, munisípiu Covalima.
“Ami hala’o instalasaun kontadór ba kliénte sira-ne’ebé ami simu hosi nasionál kontadór foun hamutuk unidade 125. Hosi numeru ne’e, tékniku instalasaun kontadór foun unidade 60 ba kliénte sira iha area urbana no aumenta ho totál kontadór tuan hamutuk kontadór unidade 260 ne’ebé instala ba kliénte sira iha área urbana,” Castro Dody Ramos hateten ba Agência Tatoli, sesta ne’e.
Hafoin hosi nasionál haruka kontadór mai iha munisípiu Covalima, tékniku BTL, E.P Covalima hahú hala’o instalasaun ne’ebé daudaun ne’e konege instala ona kontadór unidade 60 ba kliénte sira
“Ami hosi Bee Timor-Leste, Empreza Públika (BTL, E.P) hosi munisípiu Covalima, agora téniku sira foku hala’o instalasaun kontadór ba kliénte sira iha área urbana, munisípiu Covalima,” nia dehan.
Tuir dadus, tékniku BTL, E.P Covalima konsege instala ona ba uma kain 260 ne’ebé hela iha área urbana, postu suai, munisípiu Covalima iha área zona tres aldeia Asu Rai, suku Debos no sei kontinua instala iha zona 2 área Sukabilaran, suku Suai Loro.
Bazeia ba planu, BTL, E.P sei kobre tan iha área urbana hodi prepara tan kontadór unidade 1500 atu instala ba kliénte sira-ne’ebé hela iha área urbana ne’ebé implementa hosi kompañia Jufado Unipesoál, Lda,
Jornalista : Celestina Teles
Editór : Cancio Ximenes
