DILI, 04 Dezembru 2025 (TATOLI)—Autoridade Inspesaun Fiskalizasaun Atividade Ekonómika Sanitária no Alimentár (AIFAESA) sei koordena ho Polísia Sienfífika Investigasaun Kriminál (PSIC, sigla portugés) no Polísia Nasionál Timor-Leste (PNTL) hodi halo operasaun konjunta ba operadór ekonómiku sira-ne’ebé fan sasán liu prazu iha loron Natal no tinan foun.
“Maske ita haree tempu ida-ne’e mak limitadu, maibé ami trata halo operasaun konjunta ho entidade relevante sira atu nafatin apela ba operadór ekonómiku sira-ne’ebé mak antes ne’e halo ona fraude, ida-ne’e mak ekipa sei tun atu halo monitorizasaun fali,” Inspetora Jerál Autoridade Inspesaun Fiskalizasaun Atividade Ekonómika Sanitária no Alimentár, Odete Viegas, hateten ba jornalista sira iha Hotel JL Word, Metiaut, ohin.
Dirijente ne’e esplika, inspeksaun konjunta ne’e tama iha parte ne’ebé mak bolu atensaun hodi halo kontrolu.
Tanba ne’e, nai dehan. sira nafatin hala’o kna’ar hanesan baibain no hein katak iha tinan foun ne’e sira laós servisu mesak maibé hamutuk ho PNTL no PSIK no entidade seluk tan atu haree ba kestaun ida-ne’e.
Jornalista : Alexandra da Costa
Editór : Cancio Ximenes
