DILI, 05 Dezembru 2025 (TATOLI)–Primeiru-Ministru, Kay Rala Xanana Gusmão, hateten nia la’ós restauradór Independénsia no konsidera deklarasaun husi Xefe Estadu José Ramos-Horta katak nia mak restauradór independénsia ne’e sala.
“Ha’u mak restauradór Independénsia ne’e sala. Ha’u tenke rekoñese katak sira mak restauradór, la’ós ha’u. Tanba iha UNTAET nia tempu, ha’u hamutuk ho sira fulan ida ou rua, ha’u rasik dehan ba Sergio Vieira ede Melo no sira hotu iha ne’ebá, ha’u nia servisu hotu ona, ita atu tama ba polítika ha’u la hatene, no ha’u sees aan kedan iha momentu ne’ebá. Ne’ebé, la’ós ha’u mak Restaura,” Xanana hateten ba jornalista sira iha Palásiu Prezidensiál Dili, sesta ne’e.
Nia dehan, restauradór mak hirak ne’ebé forma asembleia konstitusionál no halo konstituisaun RDTL.
“Iha UNTAET nia tempu ha’u sees aan tiha, ne’ebé ha’u mak restauradór fali, ne’e sala. Iha tempu ne’ebá asembleia konstituinte mak uluk. Se nune’e sira mak restaura la’ós ha’u,” nia dehan.
Jornalista : Hortencio Sanchez
Editór : Cancio Ximeenes
