DILI, 03 Dezembru 2025 (TATOLI) – Parlamentu Nasionál organiza, ohin, semináriu kona-ba revizaun ba Konstituisaun Repúblika Demokrátika Timor-Leste, iha edifísiu Ministériu Finansa, Aitarak-Laran.
Semináriu ne’e ho tema “Perspetiva revizaun Konstituisaun Repúblika Demokrátika Timor-Leste”, ne’ebé nia abertura husi Prezidente Parlamentu, Maria Fernanda Lay.
Atividade iha sesaun dadeer nian oradór mak juiza konselleira iha Tribunál Rekursu, Maria Natércia Gusmão Pereira, no profesor universitáriu no membru orden advogadu, Pedro Carlos da Silva de Bacelar Vasconcelos, ne’ebé sei ko’alia tema sobre “Perspetiva jurídika kona-ba funsionamentu Konstituisaun Repúblika: forsa, frakeza, konstranjimentu no alterasaun eventual”.
Iha sesaun lokra’ik bankada parlamentár kompostu husi CNRT, PD, FRETILIN, KHUNTO no PLP sei ko’alia tema “Perspetiva polítika kona-ba funsionamentu Konstituisaun Repúblika: forsa, frakeza, konstranjimentu no alterasaun eventuál no impaktu Konstituisaun iha prosesu konstrusaun no konsolidasaun ba instituisaun nasionál, konstrusaun identidade nasionál no promosaun bem-estar no dezenvolvimentu ekonómiku no sosiál”.
Notísia relevante: Jurista konkorda halo revizaun ba Konstituisaun
Jornalista: Nelson de Sousa
Editora: Maria Auxiliadora
