KOVALIMA, 30 Abríl 2026 (TATOLI)- Inspesaun Jerál Traballu (IJT) Munisípiu Kovalima aplika pena multa ba empreza ho inisiál TH tanba komete irregularidade hanesan selu de’it traballadór sira nia osan overtime ho metade la selu ho 100%.
“Ita aplika pena multa ba Empreza sira ne’ebé mak viola lei traballu ho montante hira ida ne’e labele fó sai tanba segredu justisa”, Inspetór Jerál Traballu Rejionál Munisípiu Kovalima, Gabiel Gusmão relata ba TATOLI iha Bairru Kosta ohin.
Razaun IJT aplika pena multa ba empreza ho inisial TH tanba bazeia keisa husi traballadór na’in-23 empreza la selu sira nia direitu ba overtime durante servisu iha loron feriadu nasionál selu de’it metade la selu 100%
Bazeia ba lei traballu artigu 27 aliña 2 ne’e empreza sira tenke selu over time selu tuir salariu por ora tanba traballadór sira sente empreza viola sira nia direitu hato’o keixa mai iha IJT atu buka solusaun
Prosesu durante halo mediasaun durante loron haat, maibé hetan ona rezultadu relasiona autorizasaun la mai husi dili entaun presiza halo konfirmasaun oinsá bele halo pagamentu ba traballadór sira nia direitu ho justu
Prosesu atu selu IJT prepara de’it ba auto nótisia bainhira simu keixa husi traballadór halo inpesaun direta lokál servisu traballadór.
Tuir dadus traballadór ne’ebé mak empreza ho inisiál TH viola traballadór sira-nia direitu arkeridu traballadór hamutuk 47 ,maibé sira-nia 23 mak hato’o de’it keixa iha IJT.
Bazeia ba rezultazu mediasaun empreza ho inisiàl TH aseitu atu selu traballadór sira nia ba arkeridu tuir baze legál IJT ni’an.
“Ha’u esplika klaru ba empreza iha sentràl kona-bá lei empreza promete atu hadia irregularidade nune’e empreza promete ohin hahú pagamentu ona iha edifísiu IJT”, nia dehan.
Jornalista:Celestina Teles
Editór: Florencio Miranda Ximenes
