DILI, 18 Juñu 2026 (TATOLI)—Jogu dahuluk entre Selesaun Nasionál Inglatera kontra Kroasia iha grupu L Kopa Mundiál 2026 ne’ebé realiza iha Estádiu Arlington, Kinta (18/6/2026) madrugada tuku 04h00, iha Dallas Stadium, Texas, Amérika, Inglatéra susesu lulun nia adversáriu 4-2.
Bainhira jogu ne’ebé lidera husi árbitru Clement Turpin husi nasaun Fransa la’o, Inglatera iha inisiativa atake nia adversáriu hbainhira jogu hahú. Tanba intensidade jogu maka’as, Inglatéra hetan penalti iha minutu 12 hafoin Luka Modric dada Noni Madueke. Harry Kane mak sai ezekutadór hodi hetan rezulatdu 1-0
Maske lakon ona golu ida, Koroásia la lakon esperansa, nune’e, Kroasia hetan fali oportunidade iha minutu 14. Petar Musa simu bola iha laran kuadru penalti, maibé nia lenta uitoan to’o hetan bloke husi defeza.
Inglatéra fó ameasa seluk iha minutu 23, Noni Madueke loloos iha parte direta no fó pase kruzamentu ne’ebé furak ba Jude Bellingham, maibé bola semo sai ba kampu nia li’ur.
Kroasia halo presaun maka’as ikus muda eskor iha minutu 26. Petar Sucic fó pasa neineik husi parte direta ne’ebé hetan husi Martin Baturina ho xuta makaas ba guarda-rede Inglatéra tama liu laran, rezultadu muda ba 1-1
Inglatéra la nonok, kontinua servisu maka’as no sólidu, ikus hetan fali oportunkdade iha minutu 42, bola pasa aas husi jogadór Declan Rice no simu kedan husi Kane ho kabesada ba rede Kroasia, muda rezulradu ba 2-1.
Minutu normál 45 to’o ona no aumenta tan adisionál minutu lima (5), Kroasia utiliza opirtunidade hodi lansa atake ikus rezulta golu iha minutu 45+5 husi jogadór Petar Musa, muda rezultadu ba 2-2 hodi termina iha jogu primeira parte nian.
Inglatéra surpreza hafoin fila-fali husi entervallu no avansadu fali iha minutu 47, Elliott Anderson hetan bola husi Bellingham iha parte direta no lori ba besik rede, depois finaliza ba guarda-rede nia sorin karuk rezulta golu ba 3-2.
Inglátera halo presaun maka’as liu de’it minutu ida, Bellingham ameasa fali rede Kroasia maibé nia xuta salva husi guarda-rede.
Jogadór husu Kroasia Livakovic dala barak salva Kroasia nia rede, iha minutu 55 nia halai kabesa tutuir malu husi jogadór O’Reilly no Anthony Gordon. Ikus sira-nia presaun halakon oportunidade osan-mean Kane nian atu prodús golu.
Minutu ba minutu, jogu kontinua la’o nafatin, Inglatéra aumenta vantajen liuhusi kontra-atake iha minutu 85. Jogadór Bukayo Saka pasa bola aas husi parte direta, simu kedan husi jogadór Barcelona Marcus Rashford, nia halo jogu ba klaran hodi lansa sutu ba rede Kroasia rezulta golu hametin rezultadu ba 4-2.
Husi rezultadu ne’e mak termina jogu entre ekipa rua tanba to’o jogu termina laiha tan golu akontese, nune’e vitória hela ba Inglatera.
Rezultadu ne’e lori Inglatera provijoriu lidera tabela klasifikasaun grupu L ho pontu tolu (3), Kroasia ikus liu ho pontu 0. Enkuantu Ghana no Panama sei luta.
Inglatéra (4-2-3-1)
Pickford, James, Konsa, Stones, O’Reilly, Anderson, Rice, Madueke, Bellingham, Gordon, Kane.
Kroasia (3-4-3)
Livakovic, Sutalo, Vuskovic, Gvardiol, Stanisic, Modric, Pasalic, Perisic, Sucic, Baturina, Musa.
Jornalista : Hortêncio Sanchez
Editór : Cancio Ximenes
