DILI, 08 Jullu 2026 (TATOLI)—Suisa susesu iha sira nia jornada hodi hakat ba kuartu finál hafoin halakon Kolombia liuhusi sutu penalidade ho eskoru 4-3 no elimina Kolombia husi jornada 16 Kopa Mundiál 2026.
Jogu Suisa hasoru Kolombia hala’o iha Estádiu BC Vancouver, Kanadá, kuarta dadeer oras Timor-Leste nian. Jogu ne’e hakat ba penalidade tanba durante minutu 120 laiha golu entre nasaun rua empata 0-0.
Tama iha primeira parte, Kolombia koko atu halo atake sira. Luis Diaz suta bola husi kruzamentu ho kualidade ba kaixa penalidade, maibé defeza adversáriu intersepta bola no hamoos iha minutu tolu (3).
Kolombia nia jogadór Denis Zakaria koko atu pasa bola ba nia kolega husi kaixa penalidade nia li’ur iha minutu haat (4), maibé defeza Suisa halo reasaun lalais no kontra atake.
Suisu Ricardo Rodriguez nia kruzamentu aas la hetan susesu tanba defeza adversáriu hasai lalais bola husi área penalidade no bola sai husi jogu iha minutu 14.
Kolombia iha oportunidade iha minutu 21, Gustavo Puerta lansa suta ida-ne’ebé maka’as husi kaixa penalidade nia rohan. Ninia esforsu perigozu ba poste loos hetan blokeiu husi guarda-redes Gregor Kobe, ne’ebé halo salvasaun.
Entretantu, Suisa kria oportunidade iha minutu 30. Fabian Rieder halo zigzag ba kaixa penalidade no hatama bola ba baliza nia klaran maibé guarda-rede trava esforsu ne’e, nune’e eskoru mantein 0-0 to’o árbitu lian ba iha intervalu.
Tama ba segunda parte, jogadór suisu Djibril Sow iha esforsu ambisiozu. Nia iha pozisaun ne’ebé di’ak hafoin hetan pasajen ida-ne’ebé presiza iha kaixa penalidade nia laran no suta diretamente ba baliza maibé bola sai dook iha minutu 48.
Jogadór Suisa Fabian Rieder halo suta livre diretu husi kaixa penalidade nia ninin iha minutu 53 maibé nia suta la to’o iha poste karuk.
Kolómbia iha oportunidade iha minutu 60. Luis Diaz halo driblu ho lalais, halai liu defeza na’in-rua no halo suta ida liu guarda-rede. Guarda-rede Gregor Kobel halo salvasaun ne’ebé di’ak hodi impede ninia esforsu ne’ebé kiik iha baliza nia klaran.
Eskoru mantein 0-0 to’o árbitru huu árbitu finál. Jogu ne’e tama iha tempu adisionál. Tama iha prolongamentu, Kolómbia ameasa baliza suísa ho kabesa ida husi Lucumi, ne’ebé hetan pasajen ida ne’ebé perfeitu. Infelizmente, bola kona poste. Eskoru la muda to’o tempu adisionál remata, hodi obriga tama ba sutu penalidade.
Penalidade:
Kobel no Vargas Deside
Penalidade ne’e hahú ho di’ak ba parte rua. Juan Quintero marka golu ba Kolómbia, no Granit Xhaka hatán ba Suisa, hodi mantén pontuasaun hanesan.
Davinson Sanchez hafoin ne’e haree nia penalidade kona trave no sai. Zeki Amdouni lori Suisa ba oin ho suta ida ne’ebé kompostu hosi penalidade.
Jaminton Campaz halo empata ba Kolómbia. Maibé, Manuel Akanji nia suta ba Suisa liu. Cucho Hernandez la konsege halakon Gregor Kobel iha turnu, hodi husik pontuasaun nivel hafoin penalidade haat ba ekipa ida-idak.
Cedric Itten restaura vantajen Suisa nian, tuir kedas Luis Diaz nia penalti susesu ba Kolómbia. Iha momentu desizivu, Ruben Vargas marka golu hodi taka vitória Suisa nian ho 4-3 no sira nia fatin iha kuartu finál.
Kuartu finál Suisa sei enfrenta jogu ho Arjentina hodi hadau malu ba meiu finál, se mak atu ba dalan sei malahuk.
Suisa:
Gregor Kobel; Denis Zakaria, Nico Elvedi, Manuel Akanji, Ricardo Rodriguez; Remo Freuler, Granit Xhaka; Fabian Rieder, Ardon Jashari, Dan Ndoye; Breel Embolo.
Kolómbia:
Camilo Vargas; Johan Mojica, Jhon Lucumi, Davinson Sanchez, Daniel Munoz; Jhon Arias, Jefferson Lerma, Gustavo Puerta; Luis Diaz, Luis Suarez, James Rodriguez.
Jornalista : Hortêncio Sanchez
Editór : Cancio Ximenes
