DILI, 17 novembru 2021 (TATOLI)–Institutu Ensinu Superiór Politékniku Betano-Kay Rala Xanana Gusmão (IPB-KRXG) to’o fulan novembru ne’e ezekuta ona 46% hosi Orsamentu Jerál Estadu (OJE) 2021, ne’ebé reprezenta montante $50.000-resin hosi orsamentu alokadu millaun $1,1.
“Ami fiar katak to’o dezembru, ami-nia ezekusaun sei atinje 80% resin,” Prezidente IPB-KRXG, Acácio Cardoso Amaral, hateten ba Agência TATOLI iha Universidade Nasional Timor Lorosa’e (UNTL), kuarta ne’e.
Notísia relevante: MESSK prevee ona millaun $18,3 atu instala edifísiu foun IPB
Enkuantu, IPB simu envolope fiskál ba tinan 2022 hosi Ministrériu Finansa hamutuk $1.201.241 atu realiza programa prioridade rua hanesan boa governasaun no jestaun institusionál $462.129 inklui edukasaun formasaun $739.112
Orsamentu ne’ebé prevee ba tinan oin, kompostu hosi saláriu no vensimentu $468.483, bens no servisu $732.758, kapitál menór, kapitál dezenvolvimentu no transferénsia públika laiha.
Jornalista : Tomé Amado
Editora : Julia Chatarina