DILI, 14 Juñu 2026 (TATOLI)–Nasaun husi Ázia, Qatar, la hatudu nia frakeza. Iha Kopa Mundiál FIFA 2026, sira konsege dudu nasaun Suisa husi Europa bá zona ekilibrada 1-1 iha jogu faze grupu B iha Estádiu San Francisco, Domingu ne’e.
Jogu lidera husi árbitru Said Martinez no bainhira nia (árbitru) fó ona orientasaun, Suisa domina kompletamente jogu. Ekipa ne’e lansa kontra-atake barak halo Qatar book an ladi’ak no lansa duni xutu hitu mak kona iha alvu, maibé guarda rede tenta salva.
Maski hetan presaun maka’as husi Suisa, Qatar mantein iha nia pozisaun hodi halo jogu defensivu. Jogadór sira sólidu. Servisu hamutuk hodi satan laloran boot Europa nian ne’ebé domina iha kampu.
Ho defensivu ne’ebé maka’as, Suisa ramata de’it primeira parte ho vantajen 1-0. Golu mesak iha minutu 45 dahuluk marka hosi Breel Embolo. Embolo doko baliza Qatar nian ho penalidade. Embolo nia xutu halo guarda rede halai sala. Nia liki bola bá diresaun liman-karuk, enkuantu guarda-rede Qatar nian, Mahmud Abunada, hakat fali bá diresaun kontráriu. Oh my God. Ha’u beik sala.
Suisa hetan penalidade hafoin Remo Freuler hetan hamonu hosi Abunada. Hafoin revizaun VAR nian, árbitru Said Martinez deside katak falta ne’e hanesan penalidade ida.
Lidera 1-0 iha intervalu, Suisa kontinua aumenta sira-nia atake iha segunda parte. Iha minutu 50, Granit Xhaka nia xuta husi li’ur área penalidade halai dook de’it husi baliza.
Suisa kontinua aplika presaun ba defeza Qatar nian. Entretantu, Qatar konsege de’it lansa atake okazionál sira hasoru defeza Suisa nian.
Iha minutu 74, xutu Ruben Vargas nian hetan trava husi Abunada. La kle’ur de’it, Embolo mós la konsege aproveita nia oportunidade.
Iha minutu 81, to’o ona turnu Johan Manzambi nian hodi ameasa. Maibé, ninia xutu sai dook hosi baliza.
Ho fallansu husi Suisa hodi marka golu daruak, sira hetan dezastre iha tempu krusiál. Qatar halo impata liuhosi Boualem Khoukhi.
Khoukhi ho susesu marka golu ho kabesa husi kruzamentu ba kaixa penalidade. Jogu ne’e ramata ho empata 1-1.
Qatar (4-3-3)
(1)M. Abunada, 13)A. Al-Oui, (2) Pedro Miguel, (16) Boualem Khou, (4) H. Ahmed, (5) J. Gaber, (4) I. Laye (8) E. Junior, (23) A. Madibo, (11)Akram Afif, (15) Y. Abdelrazzaq.
Suisa (3-4-3)
(1) Gregor Kobel, (6) Dennis Zakaria, (5) Manuel Akanji, (4) Nico Elvedi, (20) Michel Aebischer (8) Fabian Rieder, (10) Remo Freuler, (13) Ardon Jashari, (17) Granit Xhaka, (7) Ricardo Rodrigue, (11) Miro Muheim.
Jornalista: Hortêncio Sanchez
Editór: Xisto Freitas da Piedade
