DILI, 10 Abríl 2026 (TATOLI)—Vigária Jerál husi Kongregasaun Franciscana, Madre Ana da Paz Abreu Neves, akompañadu husi irmã Josefina Benevides hala’o enkontru ho Primeiru-Ministru, Kay Rala Xanana Gusmão, hodi hato’o agradesimentu ba inisiativa konstrusaun refetóriu atendimentu labarik iha RAEOA.
Vigária Jerál husi Kongregasaun Franciscana, Madre Ana da Paz Abreu Neves, hateten sira husi irmã Franciscana Ladigne previdénsia, hakarak hato’o agradesioimentu ba Primeiru-Ministru nia di’ak tomak ne’ebé halo ka ajuda ba sira liuliu instituisaun iha Oekusi Padiae.
“Tanba ami servisu atendimentu ho labarik sira iha Oekusi kuazé hamutuk 300 no iha tinan 2013 Xefe Governu mós ajuda konstrui refetóriu ida ba atendimentu labarik sira. Ami servisu ho labarik sira hahú tinan 2003, tanba ne’e mak mai hasoru Xefe Governu atu hato’o ami-nia sentimentu agradese ba ajuda sira-ne’e hotu,” nia informa ba jornlista sira iha Palásiu Governu, ohin.
Nia dehan, servisu atendimentu labarik hahú husi tinan-sia to’o universidade no labarik balun mak susesu ona iha sira-nia kareira.
Iha biban ne’e mós, sira mai atualiza progresu sira-ne’ebé durante ne’e sira halo ona iha Oekusi no sira fiar katak Governu ho parte ierárkia katólika bele kontinua servisu hamutuk hodi lori susesu ba povu no nasaun Timor-Leste iha futuru mai.
“Tanba bainhira ita servisu mesak buat hotu sei la forsa, entaun presiza servisu integradu,” nia hateten.
Jornalista : Alexandra da Costa
Editór : Cancio Ximenes
